بخصوص الصوره افضل تصور من جديد والشغله كلها خمس دقايق وخلفيه ييضاء
اما كشف الحساب بحد علمي لا يطلب

اخوي مشكور وما قصرت
الصوره اللى انا اقصد صورة الجواز معليش ما ذكرتها قبل
لكن هل اغير صورة الجواز ولا لا
بخصوص كشف الحساب .... انت طلعت قبل تاشيرة ولاطلبوا منك كشف حساب...!!

ياناس ما فيه احد يرد على سؤالي

انا طلعت لي التأشيرة يوم الاحد الماضي يعني قبل ثلاث ايام وبدون كشف حساب ..
تعريف بالراتب
وحجوزات الفنادق
و صورتين شخصية 4,5 × 3,5 بخلفية بيضاء والرأس مكشوف
و تأمين صحي التعاونية مُعتمد
وطبعا تعبئة الابلكيشن ( أنا مقدمها عن طريق مكتب سياحي لذلك مادري وش طريقة التعبئة انا فقط رحت المقابلة )
بالنسبة لاختلاف الجسم مافيه مشاكل لأن الملامح نفسها وأساساً أنت بتروح المقابلة وبيشوفك واذا عندك اثبات جديد
مثلاً بطاقة احوال او رخصة او بطاقة عمل ما يمنع انك تاخذه في المقابلة في السفارة .
بالنسبة للنساء اذا بيرافقونك .. نفس صورتهم بالجواز تمشي حتى وان كان مضى عليها مدة .
بالتوفيق

حدي ابها كثر الله الف الف خيرك وكل من شارك ولايهون جوجل
يعطيك الف عافية

ممكن اعرف كيف نحفت ههه ابي انحف

انا ردو جواز بنتى لان الصوره قديمه والحين كبرت
وطلبو مني تجديد الصوره
ورحت وجددت الجواز

شوف ونا في السفاره انتظر المقابله قابلت واحد رددوه عشان صوره فا اتوقع يدققون عليها اذا صار اختلاف كبير
تبي تريح راسك .. ترى الجواز مايخذ وقت رح جدده في الجوازات وعلمهم السبب وراح يتفهمون الموضوع
اما من ناحية كشف الحساب انا ما خذوه عطوني اياه .. وانا اقولك خذ لك نسخه احتياط .. ماتدري هم تصنيفات
بالتوفيق لك

هلا والله اخوي انا يوم الخميس كنت في السفاره في الكويت .. كشف حساب بالكويت لا ما يطلبون ..
الصوره وما ادراك ما الصوره ,, انا عانيت والله بهل السفره غيرت جوازي انا والوالد والسبه حرف واحد مختلف .. وبعدها غيرت جوازي والسبب ان كانت صورتي بو 11 سنه والحين 17 .. اذا وياك واحد اصغر من السن القانوني احرص على اسم الجواز مطابق لاسم الاب بالحرف .. والصوره تتجدد .. اما الرجيم وغيره للبالغ اذا ملامحك نفسها لا ما اتوقع ..
تحياتي لك