السلاام عليكم .. كيف الحال جميعاً .. ؟؟
عليكم السلام ورحمة الله وبركاته
انا والاهل ناوين باذن الله على ايطاليا بالصيف .. تحديداً اسبوعين
قبل رمضان .. وهذي اول مرة نروح لايطاليا ولاوروبا عموماً ..
الله يسهل أموركم يارب
وترا الأمور سهله جدا جدا
ف عندي كذا سؤال .. :
1/ وش افضل خطوط للحجز ؟؟ ك سعر طبعاً ،، + هل مهم الحجز
قبل السفر بوقت طويل مرة ولا كيف ؟؟
والله أشوف السعودية كويسه لو تحجز من بدري يعني لو تحجز من الحين أفضل لك
بس حاول تحجز تذاكر قابلة للتغيير والألغاء لأنك ماتدري وش يصير وأسأل مجرب
والأفضل يكون وصولك لروما ورجعتك من ميلان
2/ السفرة بتكون باذن الله 14 يوم ،، ف ياليت تعطوني جدول كويس
للروحة هناك .. لان ايطاليا على خبري حلو لو تاخذ لك جولة على
مدنها بحيث كل 3 او 4 ايام تكون بمدينة ،، ف اصحاب الخبرة والتجربة
ياليت يعطوني جدول كويس ومريح .. ل مدة 14 يوم ..
3 أيام روما
2 يومين فلورانس وبيزا
2 يومين فينيس
3 أيام مقسمه مابين فيرونا وسيرموني وجارادا(منها تروح لملاهي جارادا لاند ومنها تشوف بحيرة جاردا)
3 ميلان(منها تزور كومو ولوقانو وتزور الأوت لت الي حول ميلان)
أتمنى يعجبك الجدول
3/ ك سياحة ،، هل فيه اماكن سياحية وترفيهية كثير ؟؟ وهل فيه
مواقع انترنت تدلني على هالشي ؟؟ ..
ايطاليا بلد رائع جدا
تبغى طبيعة موجود تبغى ملاهي موجود تبغى تراث ومباني قديمة موجود تبغى رومنسية وهدوء موجود
بس انت حدد وش الي تدور عليه في السفرة وأبشر بعزك
وأنت في أفضل موقع يدلك على كل الي تحتاجه
4/ وش افضل طريقة لحجز السكن ؟؟ من مواقع ولا كيف ؟؟ ..
أفضل موقع للحجز هو موقع بوكينق الي هو هذا
https://www.booking.com/
وراح تحصل فيه اللغة العربية
وطريقة التنقلات يفضل تستاجر سيارة
واذا فيه سؤال ثاني حنا تحت الخدمة
تحياتي لك