اخوي ابو بدر
صبحك الله بالخير والسعادة
انا ماسمعت من ناس ثقة بس كلام في صحف الكترونية لكن خذ العلم مني .
انا رجعت من المانيا قبل اسبوعين وكان دخولي عن طريق ميونح وكانت تقريبا نفس الاسئلة
1- ليش جاي لالمانيا = سياحة
2- هل راح تزور دول اوربية مجاورة = لا
3- كم راح تقعد في المانيا = رد بالايام اللي راح تقضيها
4- هل زرت المانيا من قبل = عاد هذا الجواب يعتمد على زرت ام لا
5- معك مبالغ اكثر من 5000 يورو = لا (والمهم انك ماتاخذ معك اكثر من الفين يورو فقط والباقي بطاقات) من ناحية امنية
الاسئلة تختلف من ضابط لاخر ومن مطار لاخر ولكن مايوصل الامر لاعادة المسافر الا اذا زعلت الضابط نفسة لذا يجب ان تكون اجوبتك واضحة ومحددة وبدون اضافات اخرى .
للمعلومية ضباط الجوازات في المانيا افضل بالتعامل من جوازات ايطاليا وفرنسا وما ادراك ما فرنسا (توبه ان مريت بمطاراتهم)
لذا توكل على الله وترجع بالسلامة ان شاء الله
وتقبل مروري
اخوك عبدالله

توكل على الله انا كنت خايف مثلك وانا الحين في ميونخ
سالني الضابط .. كم يوم بتجلس في المانيا ؟ قلت له يوم واحد برتاح فيها ؟ قال وبعدين ؟ قلت له بروح للنمسا .. قال لي اول مره تجي اوربا قلت له ايه .. قال استمتع بوقتك ... القصه ذي كلها دقيقتين
من الفرحه نسيت عربية ولدي .. واضطريت ارجع لها ثاني يوم بالسياره وحوسه في المطار لمده ساعه ليما وصلت لها

السلام عليكم ورحمه الله وبركاته
ياشباب والله صار فيني قلق والسبه الفيزه اسمع كثير واقرا اكثر على هالموضوع انا قطعت التذاكر الى ميونخ والفيزا من السفاره الفرنسيه هل اغامر او لا تكفون اللي جرب يقولنا ايش صار معه انا انشالله بروح بعد رمضان لا تبخلو علينا بخبرتكم

توكل على الله بس وخلك واثق وجاوب بكل صراحه وخلاص والله انا كنت مثلك خايف وعايش حاله رعب خصوصا ان معي اهلي ... لكن الحمد لله ختم الجواز ما اخذ دقيقتين ... فيزتي سويديه ولا طبيت السويد ولا جيتها ولا حجزت عليها بعد

الله يسهل على الجميع و أنا معكم و الرحلة تكون نهاية رمضان................!

عادي انا كنت زيك خايفه
بس سالو ابوي
ليه فيزتك من اليونان .. قالهم ابوي غيرت الخطه
قال لنا هاف انايس ترب وختم الجوزات ودخلنا