toto-soul
06-10-2022 - 05:29 am
السلام عليكم ورحمة الله وبركاته
احبابي حابه استشيركم واسال ربي العظيم يسعد كل من ساعدني ويحقق اماله
امنيتي اسافر فرنسا واسال الله العظيم يحققها ليا ويحقق كل امنياتي
كنت ناويه فرنسا وسويسرا لكن ما اتوقع المبلغ اللي معانا يكفي كتير
فا اختصرت على فرنسا عندي شوية معلومات عن فرنسا من قبل سنتين لكن ما افتكر كتير
اتمنى منكم تساعدوني فين اروح وكم اجلس في كل منطقه
يعني مثلا اسكن فالشانزلزيه كم يوم وكمان اسكن في منطقة دزني لاند كم يوم علما اني اعشق اللعب زي الاطفال ههه لاتضحكوا ام لطفلين ههه
اللي ابغاه منكم تساعدوني ايش الفنادق وكم يوم في كل منطقه وتقريبا تقريبا كم تكلفنا الرحله طبعا من غير مشتروات لانو اكيد باذن ربي بشتري ليا ولي اولادي
كيف اروح قصر فرساي وهل يحتاج حجز مسبق وكيف اروح المونمارت وهل يحتاج حجز مسبق ام برج ايفل اللي فهمتو من التقارير عشان اطلع وبدون زحام احجز فالمطعم اللي فوق والرحله دي اللي عن طريق الباخره مدري ايش بتسموها ههه وكمان كيف اروح نهر السين وايش افضل الاسواق وقرات انو في سوق زي الشعبي كدا في اشياء رخيصه
اجازة زوجي بتاريخ 5 أبريل الى 17 أبريل واكيد بيكون بردوتلج شكلو
انتظركم بفارغ الصبر ونار الشوق وحرارة الامل للذهاب الى فرنسا
بليز مالي الا الله ثم انتم انتظركم
ربي اسعد قلب كل من ساعدني
ابشرى بس حددى كم يوم بتجلسون وكم الميزانية اللى حاطتها