مرحبا العبيدلي
أبوي تروح أو ما تروح هذا شي راجعلك بس من جهة الآمن في ماليزيا وايد مستتب عمليات السرقة والنصب تستوي في كل مكان بس تحرص وكون شاطر تزود من المنتدى وعلى كيفك وبعدين أنت حر ؟؟
ودمت سالم

أخوي أحمد العبيدلي
اضم صوتي ل soilrich
لاتحرم نفسك وتحرم المدام من المتعه بسبب الكلام عن النصب والإحتيال
كل ديره وفيها الزين والشين أنت توكل على الله وخلك حريص وضبط حجوزاتك وبرنامجك من هنا قبل لاتروح واستفد من معلومات المنتدى
وبالتوفيق إن شاء الله

يابن الحلال ماراح تلقى امان في اى ديره اكثر منها
استخير وتوكل على الله وعموما في اي ديره لابد من
الحرص بس صدقني نصيحه لاتكنسل الحجز وتحسف

الاخ احمد
اولا الامان بالله
ثانيا السرقه موجوده بلدك ومع ذلك ما اشتكيت وقلت البلد مو امان
ثالثا زي ما يقولون اخونا السوريين لا تنام بين القبور وما تشوف منامات وحشه
بمعنى الاماكن المشبوهه ماله داعي تروح لها وروح للاماكن اللي فيها امان وفيها الراحة النفسية
انا عن نفسي نسيت كاميرا حقها اكثر من 1000 ريال ونظارات وجوالي مع راعي التاكسي ومع ذلك ثاني يوم جاني وعطاني كل غراضي مو ناقص منهم شيء
الخلاصه
كل بلد فيه الزين والشين واذا انت معزم توكل على الله وروح وانت حاط بين عيونك قول الله تعالى (( قل لن يصيبنا إلا ما كتب الله لنا ))
وانت ان شاء الله تروح وترجع وما يصيرلك إلا كل خير
اخوكم
ابو عشوان

ياأخي الحبيب العبدلي
أسأل وأجيبك
انا جاي من ماليزياء قبل أمس القريب 20 /7
الأمن فوق ماتتصور البلد آمنه .
والدليل ماتشوف شرطه ولاتشوف عسكري ولانقاط تفتيش
والنظام عندهم قوي
والعالم تمشي مثل النمل أقصد الشعب الماليزي.
الشعب جدا محترم وغاية في الادب
والله ماتحصل الحفاوة والاحترام مثلهم
كل التكاسي تسألك انت مبسوط والا لا
ينبسطون اذا قلت ايه مبسوط
انا زدت واحد راعي تاكسي عشرين رنقت يعني عشرين ريال رجعها علي ورفضت انا آخذها
وواحد فهمت ان المشوار 15 رنقت رجع عشرة
شعب مانجي ولاربعهم في الخلق والادب.
فقط عليك الحذر من اماكن الازدحام والصينيين لانهم شوي حاقدين على العرب
حتى الماليزيين مايحبونهم
في كل بلد لازم تنتبه للنفسك حتى في مكه شرفها الله أذكر اني من شهر أمشي في الحرم واضع يدي على جيبي من الخوف من السرقات
سافر وتوكل على الله ترى ماليزياء تستاهل العنوة والسفرة وستشاهد بلد ساحرة بالطبيعة
التاكاسي أمنة جدا حاول أن لاتركب مع صيني وهم معروفين

اخوي السرقة في ماليزيا يعتبر الأقل عالميا , ومعدل الجريمة بشكل عام تعتبر ماليزيا من أقل دول العالم

والله بالعكس أمان وسعه صدر ....
بس الناس من باب الحيطة والحذر والي المفروض تتبعه في كل مكان حتى بديرتك
لا تشغل بالك وتوكل على الله انا عن نفسي رحت ورجعت ولله الحمد من أحلى ما يكون وناوي بعد أطلع مع المدام بشهر 9 الجاي توكل وروح وأستانس.

يعطيكم العافيه جميع والله انكم طمنتوني

بس سؤال أخر انا رايح ان شاء الله تاريخ 14-08-2005 ومودي معاي 35.000 ريال قطري طبعا شامل التذاكر لي وللمدام والفنادق هل تكفي وله لا