اين انتم ولماذا لأ احد يجاوبينى هل انا اخطات فى سوالى

1. الحقيقة يا أستاذ محسن سؤالك صعب لكن خلينا نتكلم بصراحة وبهدوء:

الحقيقة يا أستاذ محسن سؤالك صعب لكن خلينا نتكلم بصراحة وبهدوء:

أولاً واضح انك مش محدد المجال اللي عايز تبدأ فيه، يعني عايز تستورد إيه بالضبط؟ لاحظ انه مش كفاية تكون عايز تشتغل في لعب الأطفال مثلاً أو في الملابس، لأ لازم تكون عارف أي لعبة بالضبط وأي نوع ملابس بالتحديد تقدر تكسب منه، غير كده مش هتقدر توصل لحاجة لأن الصين بلد ضخمة وأسواقها لا نهائية وزي ما فيها شركات محترمة كتير فيها نصابين أكتر.
ثانياً زي ما قالوا الإخوة قبل كده إوعى تفكر انك أول ما تنزل المطار في الصين هتلاقي البضائع الرخيصة مرمية على الأرصفة مستنية اللي يشتريها، لا الحقيقة لو سألت على أسعار السلع في الصين هتلاقيها أغلى من مصر! بس الواقع بيقول ان التجار المصريين بيستوردوا من الصين إذن لازم تدرس كويس جداً السوق في مصر (عشان تعرف سعر السوق) والسوق في الصين (عشان تعرف أفضل وأرخص الموردين) بدل ما تشتري سلعة من الصين وتفاجأ انها بتتباع في مصر بأقل من سعر تكلفتها عليك ودي حاجة بتحصل كتير واسأل عنها أي مستورد، لاحظ كمان انك لازم تعرف كويس (أو تسأل حد عنده خبرة) عن إجراءات الجمارك في مصر والتعريفة الجمركية لكل سلعة (لاحظ كمان ان التهريب منتشر جداً يعني إوعى تستورد سلعة تكون بتتهرب لأنك هتلاقي سعرها في مصر أرخص من الصين).
ثالثاً أنا مش عايز أسود الدنيا في وشك لا سمح الله أنا أتمنى انك تنجح وعشان كده ابدأ بالدراسة، استخدم النت عشان توصل للموردين في الصين وتدرس سلعهم وأسعارهم، بكده يوم ما تتوكل على الله وتنوي السفر (إذا احتجت تسافر أصلاً) تكون على بينة وعارف راسك من رجليك، أنا عن نفسي استوردت من الصين لمدة سنة كاملة بدون ما أسافر الصين ولا مرة وكنت اقدر استمر لكن فكرت أسافر الصين أتعرف على الجديد، أقولك مفاجأة؟ ولا لقيت جديد ولا حاجة، كل اللي شفته واللي طلعت بيه من اللف على المعارض والتنقل بين البلاد هو نفسه الموجود على النت وكنت أقدر أجيبه وانا قاعد في التكييف في مصر!
الخلاصة أتمنى انك تفكر كويس وتدرس الأول وبلاش تغامر في حاجة قبل ما تتعرف عليها كويس، لاحظ ان السفر للصين مش رخيص.
بالمناسبة المبلغ اللي معاك معقول ومش قليل (حوالي 9 آلاف دولار)، أنا شخصياً بدأت مغامرة الاستيراد بمبلغ أقل لكن كان زيادة عن حاجتي وكنت مستعد للمغامرة.
في انتظار أي أسئلة وبالتوفيق إن شاء الله.

اولاً عليك بكلام اخونا الحسين ولا تغامر في ما لاتعرف و اضيف ان البلغ صغير نوعاً ما واذا كنت تعرف من تثق فيه و لديه خبرة في مجال معين ان تتعاونا سوياً فيجتمع الخبرة بالبضاعة و متطلبات السوف مع المال و اذا كنت تعرف مكتب في مصر فعليك به و لا تسالني اذا كنت اعرف ام لا
انا صحيح من مصر واعرف مكاتب و لكن اما اشتكى منها بعض الناس و اما اخرى لا اعرف عن سمعتها شيء لذلك لا استطيع ان اتحمل وزرها
وبارك الله لك في مالك واولادك

لك جزيل الشكر على اهتمامك بالرد على وهذة النصيحة الغالية التى تدل على حسن اخلأقك وادبك الذى انا شخصيا استشعرتة من ردك ولكن هل يمكن ان تكمل جميلك لى وتفيدنى كيف قمت بالأستيراد من مصر ولم تذهب الى الصين او ماهى تجربتك بالتفصيل حتى يتسنى لى تقليدك وجايز انت بعتك لى ربنا سبحانة وتعالى ليكون فتح شباك هواء او منفس دخل الى اسرتى ولكن بدون عطف على لأنى باحمد اللة على السراء والضارء وانما اريد ان تفهمنى ماذا على ان افعل وانا احاول اتباعة وعلى اللة التوفيق ولك منى الف شكر على مجهودك وتعبك فقد يستفيد منك الكثير فانا تكلمت وفضفت ولكن يوجد غيرى لأييتكلم فقد تكون انت سبب فى اسعاد اسر وفتح مجال رزق لهم شكرا لك والسلأم عليكم ورحمة اللة

شوف يا صديقي أولاً أشكرك على ثناءك عليا، أنا هحاول أوصلك الخطوات اللازمة بدون الدخول في تفاصيل لا داعي لها لأننا مش في موقع يسمح بالدعاية للمنتجات اللي انا بستوردها، تجربتي في الاستيراد بدأت بالصدفة عن طريق صديق طلب مساعدتي في البحث على الانترنت عن منتج معين سمع عنه وهو جهاز الكتروني بيشتغل في السيارة، قعدت أدور ولقيت معلومات كويسة ووصلت للشركات اللي بتنتجه وكلها في الصين وهونج كونج، بعد كده هو كان محتاج شريك لأن راس ماله مش كافي فقررت اني أدخل معاه شريك.
بخصوص الخطوات اللازمة للاستيراد طبعاً سألنا أهل الخبرة أولاً عن إجراءات الجمارك ودي هي النقطة المحورية بالنسبة لنا في مصر، لازم تعرف التعريفة الجمركية للمنتج والشهادات والمستندات المطلوبة عشان تدخله لمصر، ده طبعاً بيختلف من منتج لآخر ولازم تسأل فيه مخلص جمركي.
بعد كده عملت بحث تفصيلي عن الموردين suppliers والأسعار اللي بيقدموها وشروط التعاقد (FOB, CIF, EXW) ودي ممكن ترجع فيها لموضوع صديقنا ahmed1975 عن مصطلحات الاستيراد وأقل كمية للطلب MOQ ونسبة التالف RMA والوزن والحجم وتكلفة الشحن وطريقة الشحن يعني طيران (على أي شركة طيران) ولا بالبحر (على أي خط بحري).
بعد تجميع كل المعلومات دي تقدر تختار الشركة الأنسب وبعدين تحسب التكلفة التقديرية للمنتج يعني بالبلدي "الحتة هتقف عليك بكام؟" وده يشمل سعر الوحدة الأصلي + الشحن + تكلفة إصدار الشهادات المطلوبة من الجمارك زي شهادة المنشأ + الجمارك + ضريبة المبيعات (ودي بالذات متاهة في طريقة حسابها ولازم تسأل فيها محاسب له خبرة بالضرايب) + رسوم إدارية + رسوم التخليص + ضريبة الأرباح التجارية والصناعية، وبالتالي تقدر تحط السعر المتوقع للبيع وتقارنه مع سعر الجملة في السوق المصري وهنا تقدر تقرر إذا كنت هتكسب ولا لأ، أما لو المتتج جديد (وده الأفضل والمنتج اللي بدأت بيه كنت أول واحد يستورده) فتقدر تحط سعر فيه نسبة ربح جيدة بس مع مراعاة سعر الأصناف المشابهة أو القريبة منه.
عندك مواقع كتير للبحث عن الشركات الصينية أهمها Alibaba.com و made-in-china.com هتلاقي فيهم شركات كتير بس تخلي بالك انه فيها الكويس وفيها الوحش.
بعد كده هتتفاوض مع الشركة اللي انت اخترتها على تفاصيل التعاقد لغاية ما توصل لأفضل سعر ومواصفات وتتوكل على الله، معظم الشركات في مجال الإلكترونيات بتشترط انك تبعت الفلوس كلها بتحويل بنكي قبل ما يجهزوا البضاعة (ده للطلبيات الصغيرة لكن لو الطلبية كبيرة ممكن تبعت 30% أو 50% والباقي قبل الشحن مباشرة).
لما توصل البضاعة هيروح المخلص الجمركي يستلمها من المطار أو الميناء اللي جاية عليه ويخلص الإجراءات الجمركية ويسدد الرسوم وتستلم البضاعة، وكل ما تسأل عن كل كبيرة وصغيرة قبل الشحن كل ما ترتاح عند الاستلام وبضاعتك تخرج أسرع، بعض التجار بضاعتهم بتتحجز في المطار لشهور بسبب أخطاء تافهة منهم.
بالنسبة للأوراق الرسمية أنصحك تجرب أول مرة عن طريق شركة قائمة بالفعل وعندها بطاقة استيرادية (بس تكون واثق فيهم) عشان تسهل على نفسك، لو الموضوع تم على خير بإذن الله تقدر تمشي في الاجراءات الرسمية وتأسس شركة وتستخرج بطاقة استيرادية لنفسك.
في النهاية أنصحك تقرا مواضيع الزملاء أبو ضرار وكردت وبرق الرياض و ahmed1975 في بوابة الصين لأن عندهم خبرة عملية كبيرة وبعضهم أقام في الصين لفترات طويلة أو مازال مقيم فيها.
وبالتوفيق إن شاء الله.

اظن ان الاخ الفاضل الحسين لم يبخل عليك بالمعلومات وجزاه الله خيراً واضيف لك معلومتين خاصين بمصر
1 - لازم تتختار مخلص كويس وتساله عن السعر المقبول (مهم جداً) لو السلعة كتبتها بثمنها الاصلي قد تقف عليك اغلى من القطاعي لان عندنا جمارك تصل الى 30 % غير 10 % مبيعات وده بتبقى على السعر و الجمارك معاً يعني ممكن تصل الى 43 % وبردو لو عملت ناصح و قللت قوي حتاخد تحسين في السعر + الغرامة (نسبة التجاوز المسموح بها بدون غرامة 20 % فقط ) لذلك لازم يكون ماهر و يعرف يتصرف لو في مشاكل و يختار لك المنفذ اللي يعرف يتصرف فيه
2 - لو حتستورد الكترونيات و حتشمل اجزاء كمبيوتر لازم تتاكد ان صاحب البطاقة الاستيرادية اللي حتستورد عليها له حق استيرادها لان لها موافقة امنية عند اضافتها لذلك كثير من الناس يكسل عن اضافتها

اخى محسن المحترم ... انا مع الاخوان الحسينى واحمد والشباب من خيرت اعضاء البوابة وكونك من نفس البلد فهم سيفيدونك اكثر بمعرفتهم بما تحتاج الية ... جزاهم الله كل خير على مايبذلونة لأعضاء