باختصار
متى تاريخ سفرك وكم ميزانيتك من غير التذاكر الدولية ووش المدن اللي تبغى تزورها عشان على الأقل نقدر نحدد لك كم بيكلفك السكن؟؟؟

خليلها يالبى قلبك
انا ما اعرف شي
ابى مع الخيل ياشقرا ....اقترح علي مسار حلو ومرتب (اللى اعرفه لنكاوي وبيانق ههه ...هذا اللى اسمعه من الناس
ميزانتى كحد اقصى 20000 واذا الدنيا غلا ازيد وش اسوى ..
ابي شقه غرفتين وصالة وحمامين اعزك الله (كمثال يعنى ) بس تكون محترمه ونظيفه ...وعلمنى تكفى بسعر السائق كم
اهم شي عندي ابى المطر والاجواء الربيعية منحاش من الحر
شفت اسعار الشقق فى مواقع الحجز كحد اقصى 500 تقريبا ..وانا مرتب مع مكتب بس شكلى بحجز على النت ولو انى ما اعرف كيف بس باحاول
دلنى الله يدلك على طريق الجنة

هلا بالحبيب الغالي ( فهد )
يامرحبابك بين أخوانك يافهودي ... وتفضل الإجابات

• طبعآ التذاكر أنتهيت منها كما ذكرت لنا ... يعني باقي حسبة الفنادق والمصروف اليومي ..
• ميزانية السكن تقريبآ ( 600 ريال × 15 يوم ) = 9000 ريال
• المصروف اليومي لستة أشخاص ( 500 ريال × 15 يوم ) = 7500 ريال
• التذاكر الداخلية بحدود ( 1500 ريال )

الإجمالي ( 18000 ريال ) قد تزيد قليلآ أو تنقص قليلآ ..
برنامج الرحلة والفنادق المرشحة للسكن :
يومين سلانجور ... فندق إمباير ( غرفة بريمر سعرها في الليلة 450 ريال )
ثلاثة أيام لنكاوي ... فندق الموتيار ( ستوديو كابانا سعرها في الليلة 600 ريال )
ثلاثة أيام بينانغ ... فندق الفلامنجو ( غرفة عائلية سعرها في الليلة 500 ريال )
يومين جنتنغ ...فندق الفيرست وورلد ( غرفة وورلد كلوب سعرها في الليلة 400 ريال )
خمسة أيام كوالا ... شقق الفهرنهايت ( شقة سعرها في الليلة 600 ريال )
أكتب عند الحجز عدد ( 2 كبار و2 صغار ) ولاتكتب كل الأطفال ... وإذا وصلت عندهم ماراح يتكلمون
وافي بزمن جافي

وافى مشكور يالغالى
الله يحفظك ويوفقك ...امين
ليت من يلزق فيك ههه
سؤال ..انت ذكرت لي فنادق متأكد انهم يكفون لنا يعنى (غرفتين)
ووش رايك فى السائق ...كم يكلف ؟
ووش رايك احجز عن طريق النت ولا المكتب فى السعودية ؟
ياعل عينى ما تبكيك ....روح روح .....موفق ان شاء الله دوم

حبيبي الغالي ( فهد )

• الغرفتين بأذن الله كافية لكم ... أهم شيء توزعوا زين ... يعني كل مجموعة بغرفة
• إذا وصلت للفندق وشفت الغرف ماتكفي ( أطلب ترقية للغرفة ) مقابل مبلغ بسيط ..
• ماتحتاج سائق في ماليزيا .. لأنهم كثير هناك ... أتفق معهم بالمشوار أرخص وأوفر
• الحجز من النت أرخص طبعآ من المكاتب السياحية ...

وافي بزمن جافي

حبيبي
معليش بس كمل جميلك
انجليزيتى على قدي وهذى الاسماء حقت الفنادق ماعرفت ابحث عنها اذا تقدر اكتبها انجليزى او جزء منها ...اذا تقدر (وجه مستحي)...وتسلم وسلامتك

الغالي ( فهد )
والله بحق .... كيف تستحي من أخوك ( وافي )
أنا والله بالخدمة ... وأتشرف بذلك حبيبي ...
تفضل أسماء الفنادق التي رشحتها لك ... بالعربي والإنجليزي :
سلانجور ... فندق إمباير ( Empire Hotel Subang )
سلانجور ... فندق البيراميد ( Sunway Pyramid Hotel )
لنكاوي .. فندق الموتيارا ( Mutiara Burau Bay Resort Langkawi )
بينانغ ... فندق الفلامنجو ( Flamingo By The Beach Penang )
كوالالمبور ... شقق الفهرنهايت ( Fahrenheit Suites Kuala Lumpur )
جنتنغ ... فندق الفيرست وورلد (First World Hotel Genting Highlands )
وافي بزمن جافي

الف الف شكر لك ياغالي
الله لايحرمنا منك
وعساك ذخر

fahad124
وأنا أخوك عطنا التورايخ طيب عشان أعطيك الرابط مباشرة وتحجز على طول...
والوليد اللي معكم كم عمره؟؟؟؟