السلام والله ياعزيزي اذ تبي شوري طبعن راي حسب زيارتي للبلادين انه بوكت احسن بكثير كا سياحة وتسوق ولكن الصين اذ ناوي تسوق طبعن احسن وارخص والله يوفقك يارب

بحكم زيارتي للدولتين افضل بوكيت طبعا للسياحه والاستجمام ..
موفقين ..

من خلال زيارتي لتايلند 2010
بوكيت سياحه ومغامرات واستجمام
وقريبا 2011 زيارتي للصين (جوانزو ) واعتقد انها تجاريه ولاكتشاف الاسواق

الصين مافيها سياحه .. الصين تسوق بس
اما بوكت فسياحه و تسوق و تمشي و سهر 000

ماقدر افيدج عن الصين لاني مارحتها بس مقررة اروحها انشالله
بس اقدر افيدج عن تايلاند بما اني زرتها
اذا انتي وريلج وتبين تستانسون ورومانسية وهدوء وحركات
تكفين ابعدي عن بوكت (باتونغ بيج) معليج من الي يقولون منطقة عربية و فيها كلشي و و
ترا فيها كلشي وفيها بنات مساج وايد ظهر عصر ليل !!
بوكت (كارون بيج ) روعه منطقة هادئة ورومانسية احسن من باتونغ بالف مرة !
والاحلى من ذي كله شنغماي تسحر الواحد
نصيحة روحي شنغماي بتستانسين وايد وجربي تروحين تور وياهم حق فلايت اوف جيبون و الفيلة والشلالات والرافتنغ شي روعه وطبيعة حلوة

مرحبا اذا تبي تتمشين وبحر وشغل صح روحي لبوكت وفيها اكل حلال وتسوق واطلعي بانكوك وتسوقي
بالنسبة لصين فيه جزيرة اسمها هينان هذي جنة سبحان الله بس مو مهيئة للعرب من الاكل الحلال واذا حصلتي حلال ماراح يعجبك الاكل وراح تتعبون شوي بالتفاهم معهم ...
واي استفسار عن الصين اتفضل

(كاس عسل) الصين فيها كل شي فيها سياحة وفيها تسوق وفيها كل شي من افضل دول العالم
بالسياحة بس مو مهيئة لنا العرب من الاكل وصعب تعامل معهم لان اغلبهم لايجيد اللغة الانجليزية
وفكرتنا احنا العرب ان الصين بلد تجاري فيه اماكن ماتشوفها باي مكان بالعالم تبي تتمشى بالمدن
من افضل مدن العالم مباني مواصلات تبي استجمام استرخاء موجود بس ارجع اقول الفكرة الي عندنا عن
الصين تجارة وغير مهيئة للعرب من الاكل والتفاهم معهم .. اتمنى وصلت المعلومة
وتحياتي

الف الف شكر
على ردودكم
ماقصرتوا والله