مبروك اولاً والله يوفقك ويسعدك يارب باالنسبه للحجاب انا مثلك مسافره ان شاء الله للنمسا بعد شهر تقريباً
ماودي اكشف وجهي وساعات اقول ابتحجب والله احترت!!
بس باالنسبه لك خوذي لك بنطلونات جنز وفصلي من محلات بدون إسم بالطوات مع حجابهن يجون طقم وكشخه خوذي بيج
وزهر يكفيك اثنين وخليهم ميدي يعني مو طوال قصير شوي والبسي تحتهم الجنز بترتاحين وبتكونين كشخه ان شاء الله
والله يوفقكم بزواجكم وبرحلتكم ياكريم

السلام عليكم حبيبتي
الله يوفقج ان شاء الله وتستانسين بالسفرة
حبيبتي انا متحجبة بس مومنقبة
لما اسافر البس جنزات او بنطرونات سودة مع بلايز طويلة
وعندنا بالكويت البلايز الطويلة اشكال وارناق من سعر جمس دنانير الى 50 دينار
وبصراحة حق النمسا لا تشترين غالي لانه كله تمشي بطبيعة ومغامرات
خلي الكشخة اذا بغيتي تقعدين على كوفي شوب بالسنتر بس لاتبالغين خليج بسيطة عشان ما يصير شكلج شاذ عن اللي حولج
دشي مواقع التسوق الكويتية وشوفي البلايز الطويلة اللي يلبسونها المحجبات وخيطي مثلهم ترى حيل بسيطين
والملافع اخذي الوان حلوة وتذكري ان الاسود سيد الالوان
مع تحياتي

ياحياتي مالي غنى عنكم
افكاركم قريبه من افكاري بس كنت محتاره بالألوان حلو الزهر راح اجربه لاني شريت رمادي غامق وكارههته
بس مدام عطيتوني وجه بثقل دمي كيف بيكون الجو اخر 7 هل اخذ شتوي ولا صيفي
وخصوصاُ اني رايحه فينا ,زيلامسي ,زالسبرغ و ميونخ
شكر ع الدعاء والله يوفقكم جميع

السلام عليكم حبيبتي
يا اختي اسالي مثل ما تبين
انا روحتي كانت مثل روحتج بالضبط
لما كنت بفيينا كانت موت حر وكنت واصلتها ب 21 / 7
حتى العرق كانت بصبب مني بحدايق قصر الشونبرون وبليل يكون حلو
وممكن فجأة يصير برد
انتي خلي معاج سويتر أو توينز في الجنطة
أما في زيلامسي فدرجة الحرارة لا تتعدى ال20 درجة بس براد حلو كنت البس تحتي مثل البودي الكم طويل عن البرد المفاجئ
وكنت ما أستغني عن الجوارب مع جوتي الرياضة
واذا لبست تنورة او فستان مالج امل اطلع من الفندق بدون اندروير طويل تحتي لاني استبرد بسرعة
لما وصلنا ميونخ كنا على اول ثمانية وصار الجو برد فكنت البس تونزات كم طويل يعني طبقتين بس مو الخام الثقيل مرة
وخلي معاج جاكيت حق رحلات الثلج والتلفريك
مع تحياتي

موضو وع راتئع بصراحه طيب كملو ايش كمان موديلات وافكار

انا رحلتي 22 جولاي ومو عارفه كيف بالزبط الجوو
بس مخيطة عبايه ملونه جنز وايشارب ملون طقم مع الشنطة من بدون اسم
ترى عندو اشياء حلوه بدون اسم وطقوم
بس بافكر كتير ايش اخد ملابس يعني اخاف اخد كلو تشيرتات الجو يكون بارد
والجاكيت مو عارفه شكلي حاخد واحد للاماكن البارده زي ماقالت الي فوقي ههه
بس ماراح اكتر ملابس
وبايو

لازم بالطو ؟؟؟؟؟
العبايه الملونه مثل البيج او البني او الكحلي مع اسكارف حلوه
والا وش رائكم

برايي تلبس اللي تشوفه كل وحدة سواء عباية ملونة مع وشاح مناسب و لايق
أو بنطلونات واسعة شوي مع بالطو أو بلايز طويلة و وشاح مناسب
أفضل الألوان الفاتحة و المشرقة أفضل من القاتمة و كل وحدة و اللي يناسب بشرتها و يلبق عليها
و في بعض الأماكن ما يكفي الجاكيت، لازم قفازات و قبعة صوف للرأس و أعتقد لازم بيجامة داخلية (اندر وير) مثل الأماكن الجبلية الثلجية و جهزيهم بالشنطة
و بما إني لفيت السوق أبي بلايز طويلة و واسعة و ما تكون شفافة، إلا إني عجزت ألقى اللي أبيه. و إذا لقيت فإن قماشه يا يكون بايخ أو فيه عله.
في محل شفته بالراشد بالخبر في التوسعة يبيع قطع للمحجبات تعجزين تقولين كشخة بقوة
لكن أسعارهم ربما تكون غالية للبعض و البعض الأخر مناسبة، قطع شفتها عقب التخفيض 1500 ريال و شي 2200
و طاالع. و تجي ثلاث قطع أو قطعتين، بنطلون واسع مع فستان (كت) و لحد الركب أو فوقها بشوي و بالطوات أو بلايز و بعض القطع معها وشاح من نفس القماش
و فيها تطريز راقي و ألوان حلوة. و تقدرين تشترين قطعة وحدة إذا حبيتي و تخلين الباقي. و أقمشتها في شي زين و شي بايخ لكن التطريز يرقيه.
و بما إنه باين إنها كشخة فأشوف إنها ما تنفع للريف و الأماكن الجبلية و القروية لكن تنفع للمدينة و للسهرات من مطاعم
و مقاهي.
عني أنا أفكر أفصل لي موديلات مثل اللي شفتها بالمحل، لكن بدون تطريز طبعا علشان تكون أبسط.