والله هالأسئلة تدور في خاطري من أول بس الله يعطيك العافية ريحتني وأنا معك أنتظر الجواب الشافي

والله انا صار لي اكثر من اسبوعين وانا افرفر بين المواضيع
بصراحة بتستفيد كثير منها
الله يعطيهم العافية كولهم
حنا مثلكم ناويين النمسا الصيف هذا واتمنى قبل اغسطس
الله يعين

ياليت احد يجاوبنا ياخبراء النمسا وسويسرا
ومشكور اخوي على موضوعك وان شاء الله كلنا نستفيد

1. طبعا لا اجار السيارة اغلى..لوكنتم 4 اشخاص ممكن يكون ارخص

1) برنامجي بيكون 14 يوم بين فيينا وسالزبيرغ وزيلامسي
هل تنصحوني اني اضيف اسنبروك معاهم؟؟؟؟
نعم انصحك و3 ليالي كافية اذا كان وقتك وميزانيتك يسمحان بذلك. ومشكلة انسبروك الوحيدة هي بعدها عن العاصمة فيننا (حوالي 5 ساعات بالقطار)
2) هل تنصحوني طيب ان اضيف ميونيخ معاهم؟؟؟
اتمنى تحطون توزيع الايام بينهم اذا نصحتوني بميونيخ
نعم انصحك و3 ليالي كافية اذا كان وقتك وميزانيتك يسمحان بذلك
3) كم المسافة بالقطار بين فيينا - سالزبيرغ- زيلامسي- ميونيخ
وكيف بيكون خط السير؟؟
فيننا سالسبيرغ: 3 ساعات سالسبيرغ زيلامسي: ساعة واحدة والى ميونخ ساعتين
4) ماهي اقرب مدينة بين (( فيينا - ساليزبرغ- زيلامسي)) الى ميونيخ؟؟
اقربها سالزبيرغ وللمعلومية زيلامسي تعتبر قرية
5) ماهي احسن وسيلة تنقل داخل المدن؟؟ تاكسي والا قطارات ومترو ؟؟؟؟ والا تأجير سيارة؟؟؟
في فيننا المترو والترام وباقي المدن كعابي عموما التكاسي متوفرة بكثرة لكن اسعارها غالية شوي لكن احيانا الواحد يضطر لها.
6) هل تأجير السيارة مفيد هناك؟؟؟ يعني هل تتوقعون بادل وباعرف الاماكن السياحية وباقدر اروحها؟؟
ما انصحك تستاجر سيارة اذا كنت انت والمدام لوحدكم لانها بتكون مكلفة شوي ويمكن تكون متعبة ايضا اذا مالك خبرة بالديرة عموما لاتستاجر سيارة الا اذا فيها جهاز ملاحه (قارمن)
7) هل تأجير السيارة بيكون ممتع لشخصين توهم متزوجين في شهر العسل والا بيكون وجع راس وهم على قلبي
هو بيكون فيه خصوصية اكيد ومتعه لكن بالمقابل مصروف اعلى وبتشيل هم السيارة
8) هل تأجير السيارة بيوفر علي مصاريف التنقل؟؟

طبعا لا اجار السيارة اغلى..لوكنتم 4 اشخاص ممكن يكون ارخص

9) طيب لو بعتها وقررت أستأجر سيارة واسافر فيها من فيينا الى ساليزبرغ وزيلامسي , هل تنصحني بهالفكرة والا انطق واجلس على القطارات ابرك لي ؟؟؟؟
يووه شكلك ملزم تستاجر سيارة خلاص اذا رحت سالزبيرغ وريحت لك يوم استاجر سيارة لمدة يوم واحد وخذ لك فرة بالمناطق القريبة من سالزبيرغ وجرب الوضع اذا صار اوكي خلها معاك وكمل السفرة فيها والا رجعها وخلك على القطارات
0- اذا في مدينه من المدن الثلاث تنصحني ان أستأجر سيارة فيها , اي مدينه تنصحني فيها اكثر ؟؟؟
فيننا ما انصحك. وباقي المدن ارجع الى الجواب السابق
1- بالنسبة لزيلامسي مالقيت حجز فنادق الا في فندق لاتيني, هل تنصحني اسكن فيه والا اغيير بفندق ثاني؟؟؟ وكيف موقع لاتيني وبعده عن البحيرة؟؟ وهل بيضايقني البعد؟؟
يسبون فندق لاتيني مره حاول تسكن في فندق قراند واذا مالقيت فكر في الموضوع زين ممكن انك تكنسل السكن في زيلامسي وتزورها لمدة يوم واحد بالسيارة
2- بالنسبة للصرف هناك هل تنصحني باستخدام الماستر كارد والا شيكات سياحية والا كاش؟؟؟
خل معاك الماستر كارد علشان التامين حق الفنادق وللتسوق, وضروري يكون معاك كاش للتنقل والمطاعم والمصاريف البسيطة.
3- بالنسبة لتاشيرة الدخول من وين تنصحني اطلعها؟؟
مكتب السفر والسياحة يطلعها لك انت وش لك بوجع الراس
4- لقيت عرض 14 يوم بين ساليزبرغ وفيينا وزيلامسي مع تذاكر القطار ب 17000 ريال لشخصين, هل هذا عرض مناسب؟؟؟ من مكتب كانو
ولقيت عرض ثاني من مكتب الطيار ب 15000 ريال بس بدون تذاكر القطارات؟؟ اي مكتب تفضل ومنو اللي عليه القيمة في التعامل مع فنادق النمسا؟؟؟
ما اقدر احكم على العرض هل هو رخيص او غالي الا اذا عرفت الفنادق لان اسعارها تختلف. عموما التذكرة سعرها من 2500 الى 3000 والفنادق الخمس نجوم من 600 الى 1000 ريال لليلة الواحدة. وللمعلومية نظام المنتدى يمنع الاشارة الى اسماء المكاتب السياحية لذلك ممكن نتناقش في هالموضوع على البريد الخاص
خطة سفر مقترحة:
الطيران في الذهاب: الرياض - دبي - فيننا (طيران الامارات)
1- فيننا 3 ليالي

• السفر الى سالزبيرغ بالقطار

2- سالزبيرغ 3 ليالي

• السفر الى انسبروك او زيلامسي بالقطار

3- ( انسبروك او زيلامسي) 3 ليالي

• السفر الى ميونخ بالقطار

4- ميونخ 3 ليالي
الطيران في العودة: ميونخ- دبي - الرياض (طيران الامارات)
ملاحظة مهمة في القطارات: احجز دائما على الدرجة الاولى واذا لم تتمكن من ذلك حاول قدر الامكان تجنب السفر يوم الاحد

اخوي اومس
الله يعطيك الف عافية على اجاباتك الشافية والكافية
انت بصراحة تصلح تصير سفير للنمسا
ماشاء الله عليك اخوي
شكلي باترك زوجتي في السعودية وباسافر معاك اومس
من جد السفر معاك شكله حلو
وبالنسبة للسيارة التأجير , مادري ليش مسكت معاي غلط الفكرة ههه
قلت استأجر سيارة علشان اوري زوجتي اني اعرف اسوق مثل الاوربيين ههه
بس خايف اطيحها من فوق جبل
ويسلمو على خطة السير اللي انشالله اني باطبقها بحذافيرها
واتمنى بقية الاعضاء يشاركون برأيهم يمكن يفيدون البقية مثل ماخوي اومس فادني كثير