السلام عليكم
والله يحييكم ياخوي في دوحة الخير
سبق غير سأل نفس السؤال على الرابط التالي:
استفسار عاجل 6 ساعات في مطار الدوحة
https://artravelers.com/p/re/215093
شوف إذا عندك أي استفسار قول اللي في خاطرك واحنا حاظرين لك
بس للعلم.. إذا رحلتك في شهر 12،
أنصحك بزيارة متحف الفن الإسلامي بيفتتحونه في 1 ديسمبر
ويبعد عن المطار مسافة 10-15 دقيقة بالسيارة
بوفهد

ياكثر اللي عندهم 6 ساعات في الدوحة ..
أنا عندي 6 ساعات ترانزيت يوم الربوع الجاي .. علموني وش أسوي ؟

لا والله للاسف رحلتي بعد اسبوع ...
واشكرك على الرابط

اخي العزيز بوفهد
عندي ترانزيت من الساعة 8 اليل الي الساعة 2:45 في الليل ....
هل تنصح اروح سوق الستي سنتر او سوق اخر اعتقد اسمه فلابيجو .. او الكورنيش
وهل ممكن اجد تكاسي وكم تتراوح اسعارها من المطار للمول والعكس (( انا خايف في الرجعة مالاقي تاكسي يوديني المطار ) يعني كم احتاج اصرف خلال هالمدة ..200 ريال قطري تكفي . تاكسي وكافي وعشا وممكن سينما ...

1. والله أعلم

مرحبتين أخوي
المجمعات التجارية محلاتها مفتوحة إلى 10 الليل
في هاذي الحالة أنصحك بزيارة السيتي سنتر والكورنيش بما انهم الأقرب للمطار
أما بالنسبة للتكاسي فللأسف الخدمة تعيسة جداً في قطر بسبب عدم توفر أعداد كافية وعدم التزامهم بالمواعيد
أقترح عليك برنامج كالتالي:
الاقتراح (1)
1-بعد خروجك من مطار الدوحة خذ لك تاكسي (يبدأ تسعيرة تاكسي المطار ب18 ريال).
2- روح الكورنيش إلى جهة مطعو راس الشوعة جهة الشيراتون وتمشى هناك.
3-ممكن تروح بعده إلى السيتي سنتر قريب من هناك بالمشي 10 دقائق.
4- ومن هناك تقدر تاخذ تاكسي وتروح به المطار، لكن إذا كان ويكند الله يعينك على الطابور الطويل
وفي هاذي الحالة خذ لك ليموزين أعتقد 40 ريال إلى المطار.
الاقتراح (2)
1- اتفق مع شركة من شركات الليموزين المحلية يكون مرابط معاك طول فترة وجودك.
أسعارهم بنظام المشوار أو بالساعة.
2- من المطار روح السيتي ولا تطول فيه أكثر من ساعة أو ساعة ونص.
3- بعده روح سوق واقف بيكون في طريق عودتك إلى المطار وتقدر تقضي في ساحة المطاعم والكوفيات فترة حلوة بالإضافة إلى التسوق.
5- للعلم إن الكورنيش هو على طول امتداد طريقك من المطار إلى السيتي ومن السيتي إلى سوق واقف.

والله أعلم

أما بالنسبة للتكلفة.. للأسف إن المواصلات هي العائق عشان تضمن لك برنامج مرتب لذلك اقترحت عليك الليموزين، أما العشاء والكوفي مابكلفونك خمسين ريال إذا تتكلم عن الشخص الواحد وتذكرة السينما قيمتها 35 ريال.
بوينغ 777

الله ماقصرت يابو فهد كفييت ووففيت ....
بالنسبة للترانزيت عندي يوم السبت فهل يوافق ويكند اولا ؟؟
وان كان يوافق ويكند هل تنصح بالخروج من المطار ؟؟؟
وبالنسبة ماهو سوق واقف ( على حسب ماقريت انه سوق شعبي ))
فماذا تقترح علي التمشية في كورنيش قطر وبعدها الذهاب الى الستي سنتر والى المطار على طول .. كم تقريبا تستغرق المدة كلها اذا حاب اتمشى على الكورنيش 10 دقائق والستي سنتر اتعشى وارجع المطار على طوول
اخوي ممكن تعطيني ارقام الليموزين في الدوحة ...بس المشكلة على كلامك خايف انه مايلتزموا بالمواعيد .. لكن ان لاقدر الله حصل لي شئ بوقف اي شخص قطري وبقله وصلني المطار((خ)) ان شاء الله مابيقصرون معاي
تحياتي لك واسف على الاسئلة . لانه بصراحة انا خايف يكون زحمة وتضيع عليا الطيارة

مرحبا بك أخوي..
السبت عندنا ويكند.. والزحمة بتلاحظها في مواقف سيارات المجمعات أكثر..
تكاسي شركة كروة هي اللي أقصدها ما تلتزم بالمواعيد
أما الليموزينات فتفرق فيما بينها، حاول تتفاهم
معاهم عن سائق وسيارة مرابطبن معاك 4 ساعات مثلاً...
بعض أرقام الشركات:
(1)5877792 أو 4877792 ليموزين Vip
(2) 4878716 ليموزين سنابل الخليج
(3) ليموزين العزيزية 6675511
إذا حاب تتمشى 10 دقائق في الكرونيش ما تسوى عليك!!
وتره المسافات بسيطة.. من المطار إلى الكورنيش 5 دقائق أو 10 دقائق مع الزحمة،
من المطار إلى السيتي مباشرة 20 دقيقة
وإذا لاقدر الله توهقت وماحصلت تاكسي أو ليموزين.. كلم الشباب اللي تحصلهم في السيتي
وإن شاء الله ما بيقصرون.. أهم شي كلم شباب يبين على شكلهم صغار وجايين يتمشون ما عندهم ارتباط
بالتوفيق

السلام عليكم واشكرك اخ فهد على سعة صدرك لاستفساراتي
ولكن ماذا تقصد ب ( اذا حاب تتمشى في الكورنيش 10 دقائقماتسوى عليك ))ههه انا من السعودية وبعض الجمل صعب اننا نفهما - هل تقصد انه ماراح تاخذ وقت انك تتمشى فيها يعني تقصد كلها 10 دقائق روح وشوف الكورنيش ... يالله نتعلم اللهجة القطرية -خ
تحياتي

ماقصر اخوي بوفهد
وانا انصحك بسوق واقف فقط ,, بتمشى وبتعشى وبتفرج وبتستانس
وهل الايام الجو روعه