حمد الله على السلامة.....
شكلك من الاحساء ورايح يوم ربوع من قريب...
متى الرجعة؟؟

ما شاء الله عليك 0 الحاسة السادسة شغالة عندك تمام0

شفت اخوي كيف ;)
وازيدك من الشعر بيت , انت عندك سيارة.
ولقيتوا في سلوى ضباط قطريين و ختموا في جوازاتكم
وش رايك فيني......... داهية

والله منت سهل اخوي معجب ،،،،
عسى ما تعرف وين اروح واجي ،،،،،
شكلك بتجيبها ،،،،،

اقول خلها مستورة يامهموم :rolleyes:
انا اعلمك اذا رحنا للفخار ;)

1. الله يسامحك والله


2. مدخل قطر على ماهو عليه من 20 سنه0


3. المتحف تحت الصيانة0 مغلق مؤقتا0

بوسالم
والله أني زعلان منك
تزور قطر وماتقولي نقوم بالواجب

الله يسامحك والله

أما بخصوص تقريرك التالي فأنا أيدك في بعضه .. وبعضه أعارضك فيه .. وهو كالتالي
في قطر توجد جزيرة النخيل ويتم الوصول اليها بواسطة مراكب تتواجد بالقرب من فندق الشيراتون 0سعر الركوب 15 ريال ذهاب واياب0وهي قريبة وجميلة جدا بس المطعم غالي مرة والاكل حي الله0احسن شي لااحد يروح وقت عشاء او غداء.
== بخصوص الأكل فأنا معاك .. فلايوجد أهتمام بالأكل والمطعم هناك ..
حديقة الحيوان ظهر عليها اعراض الشيخوخة والدخول ب5 ريال0بس اذا المصري اخذ منك الفلوس وقال لك تفضل خش ,..اطلب منه التذاكر0
== صارلي يمكن فوق ال 7 سنين مازرت الحديقة والله .. ومادري شنهي التطورات الي صارلها
مجمع كار فور التجاري مجمع ممتاز وكله ماركات حلوة بس الاسعار حارة0الشي الزين فيه ان السيارات لها مواقف 2 دور تحت السوق0يعني بصراحة يتفوق على مركز الراشد من نواحي عديدة0
== بخصوص كارفور .. فهو يقع في مجمع السيتي سنتر .. ومحل كارفور هو شبيه بالمخازن الكبرى . وأسعاره بالعكس جيده جداً . ولكن إذا تقصد المحلات التي في المجمع . فأنا معك .. فأسعارها نوعاً ما غالية لانها شغل ماركات .
فندق قطر بالاس في شارع الاصمخ حليو والسعر 180 لشخصين ويقع في وسط السوق0
== يقع بالقرب من فندق سوفيتيل ذو 4 نجوم . وفندق قطر بالاس ذو 3 نجوم يقع في منطقة الأسواق ومنطقة مزعجه نوعاً ما ..

مدخل قطر على ماهو عليه من 20 سنه0

== لو لاحظت عند خروجك من مركز المملكة ستجد أن هناك شارعين .. الاول يوصل إلى مركز جمارك قطر الجديد .. الذي لم يفتتح حتى الآن مع أنه جاهز تماماً وأعمدة الإنارة موجوده .. والشارع الثاني إلى مركز الجمارك القديم .. الذي عفى عليه الزمن .
المسافة كلها 90 كيلو عجزانين لايسوون له صيانة وانارة0
خلال الثلاث سنوات القادمة ستلاحظ التغيير الذي سيطرأ على الشوارع الخارجية . لانهم شغالين فيها .
اللي يدخل قطر في الصباح يحذر من سواقين الشاحنات اللي جايين من الامارات0 ترى ما يفتحون لك الخط بسهولة0
== تقصد على خط الحسا . المهمول من الاخوه السعوديين .. شارع حيوي جداً .. والمشكلة أنه شارع رايح جاي .. وليس هاي وي . والعتب على الأخوه السعوديين

المتحف تحت الصيانة0 مغلق مؤقتا0

== نتمنى زيارة منطقة سيلين ومجمع اللاند مارك .. وسينمات مجمع المول .. وسينمات الخليج .. بالقرب من شارع نجمة .. وكذلك زيارة مطعم بخارا بالقرب من مجمع التنس والاستكواتش . وكذلك زيارة مطعم الشاطر عباس (الإيراني) بالقرب من المتحف والفرع الثاني في شارع السد . والفرع الثالث في مجمع السيتي سنتر ..
أتمنى لك زيارة موفقة أن شاء الله ..
أخوك
بومحمد

اخوي بو محمد فعلا كنت اقصد مجمعCITY CENTER.
بالنسبة لشاحنات في قطر بعد ماتركت الجمرك تقريبا 5كيلو.
طريق الاحساء انا معاك انه خط واحد وخطر خصوصا ايام العج والرمل والبعارين.
بو محمد ياليت تكتب لي اذا فيه شقق مفروشة في الدوحة.مع الاسعار.يمكن نزورها مرة ثانية قبل الحر.

والله يالغالي . بخصوص الشقق المفروشه ماعندي خبر فيها .. بس أن شاء الله راح أسألك . وأوافيك بآخر التطورات وآخر الأخبار ههه (مراسل الجزيرة) .. بس اهم شئ إذا زرت قطر لاتنسى أنك تتصل في أخوك جاسم ههه .
تحياتي لك
أخوك
بومحمد

هناك شقق ريجنسي المفروشه .. شقق جيدة
تلفون
4009745532499
برج 2
بومحمد