مساك الله بالنور والسرور يالغالي
الله يسلمك مطار الدوحة صغير لكنه فخم ومزدحم
يمكن تقدر ترتاح داخل صالة البريميم لو تذكرتك درجة
رجال الأعمال أو أولى أو عندك بطاقة القطرية الفضية أو الذهبية
في مكان ثاني ألا وهو صالة المها مستواه أقل تدخله
برسوم غالية شوي ماتسوى برأيي (200 ريال للشخص) إلا إذا عندك
بطاقة من بطاقات الكرديت كارد اللي فيها ميزة الدخول المجاني
ممكن بعد تتسوق في السوق الحرة
رحلة سعيدة
:: بوفهد80 ::

اخوي عائلتك كم شخص ؟؟
عند 6 ساعات يمديك تقص البوردنق وتاخذ تكسي وتروح احد اسواق الدوحه
ستي سنتر او فلاجيو او سوق واقف التراثي خذ لك في احدها ساعتين وارجع المطار مره ثانيه
بينهم وبين المطار مايتعدى نص ساعه بالكثير

مجرم سفر
أخوي العزيز مجرم سفر
ما أقصد أعارضك.. بالعكس فكرت نفس تفكيرك
وقلت فرصة حلوة دام كل الأمكان قريبة من مطار الدوحة
بس رايي أن الوقت الصيف صعب ياخذ له فرة سريعة
ويرجع المطار مرتاح مب متلعوز من الحر والرطوبة خاصة لو مع عائلة
ولا بالعكس فرصة..
والله أعلم
:: بوفهد80 ::

بوفهد80
يعطيك العافيه فهد80
توضيحك لسهوله سفر اخونا الغالي مصبر الموعود كافيه و وافيه
وحتى اخونا مجرم سفر يعطيك العافيه
على انك حبيت اتخلي الريال انه يشوف اسواق قطر عشان ايطير الوقت
ماقصرتو والله يعجبني تعاونكم

بوفهد80
افضل الاسواق برايك اذا جزمت اني اروح بروح لسوق واحد وليت اعرف السوق اللي مختص بالعطور الفرنسية
ودي بعطر مونتال الفرنسي نسائي لونه زهر ممكن القاه بأحد الاسواق القريبة من المطار وشاكر لك يالغالي
qatar3333
يعطيك العافية وفيهم الخير والبركة الشباب ما قصروا
ويا حبيلكم ياهل قطر
وعلى الخير نلتقي

روحو سيتي سسنتر نصيحتي لان الفتره طويله ساعات مو شوي والديوتي فري صغير ماياخذ نص ساعه حتى..حرام اتمون في المطار وسوق واقف المحلات تسكر وبس اتم المطاعم والسوق اساسا هالوقت ماينفع لانه حر ورطوبه
نصيحه الستي سنتر وفيه محلين للعطور مشاهدين بعض في الدور الثاني...وفي محلات ملابس ولو معاكم يهال في سكيتنغ وفي العاب اطفال وفي سينما وبعد مايسكرون ممكن تروحون واحد من المطاعم المنتشره هناك وافضل شي ريشو لان فيه اماكن خاصه للنساء وبعد فيه اماكن خاصه للعايلات ومسكره لو تبون وبعد اكلهم لذيذ

شكرا ام ياسمينا
لا خلا ولا عدم