الجدول صخر انا اقول توكل على الله و سافر
بس السؤل هل تستطيع انك تروح الماكن هذة كلها
بانسبة للسوق الصيني انا جيته و ما كوو شي يصلح لناس الي يبنون او ياثثون بيوتهم
و الباص العجيب كان في التصليح ف ما صار فية نصيب

الباص العجيب هل هو مكيف او لا

violetq8
مشكور وماقصرت
الحمد لله انه اعجبك
وان شاءالله اقدر اروح لهم والله يعين
لا احنا مانحتاج اثاث بس الاهل ودهم يزورون السوق الصيني علشان اعجبهم اللي في ماليزيا
ان شاءالله الباص يكون على وقتنا يشتغل رح يكون شي غريب للاطفال
جزاك الله خير

captin999
والله مادري علمي علمك بس ان شاءالله اذا رحت بشوفه لك

ksa moon
انا ملاحظة اغلب الاماكن شعبية وبكثرة ...حاولي ان تلغي بعضها
ويجب ان تخصصي يوم كامل لزيارة مول الإمارات
ويوم كامل لزيارة دبي مول
والأوت ليت اتركيه عنج ولاتتعبي نفسك في زيارته ... البضائع قديمة جدا ولاتستحق النظر اليها
والسوق الصيني مختلف عن ماليزيا ... الذي في دبي اكثر شي اثاث وبضائع واجهزة والذي في ماليزيا اغلبيته ملابس واحذية اكرمج الله
ورحلة السفاري اشطبي عليها نهائي .... متعبة والجو حار ورطوبة والافضل زيارتها بالشتاء
تحياتي

وعليكم السلام ورحمة الله وبركاته
إن شاء الله تقضون أوقات حلوه في داركم الثاني الإمارات.
الجدول حلو ... بس مادري إذا بتقدرون اتزورون أغلب الأماكن
عندي تغييرات بسيطة للجدول(مجرد رأي)
اليوم الثاني: الأوت لت(صباحاً) - فيستفال مول(الغداء) - مدينة مدهش - خور دبي
يفضل تروحون مدينة مدهش من بعد الظهر ، لأن أغلب العروض تبتدي العصر وممتعه للأطفال.
وبالذات عرض مسرح مدهش(المسرح الكبير) فالقاعة الشرقية كان الساعة 7:30 مساءً، وايد حلو للأطفال.
اسألو عن أوقات العروض أول ماتدخلون.
اليوم الخامس: ممتاز بس مايمدي تطلعين من الوايلد وادي وتروحين الممشى، خلية يوم ثاني.
لأن المطاعم تغلق الساعه 12 منتصف الليل.
وأوقات الوايلد وادي (الخميس للنساء) من الساعه 9 مساءً لغاية 12 منتصف الليل.
مركز البستان مادري إذا عندج فكرة عنه أغلبة فساتين سهره وأقمشة.
إذا محتاجه لفساتين روحيلة وإذا لا الغية من الجدول.
اليوم السادس : برجمان ( الباص العجيب) - تايمز سكوير ( المقهى الثلجي) - دبي مول.
روحي قبل التايم سكوير لأن المقهى الثلجي يغلق العاشرة مساءً، والمول صغير .
ودبي مول المسا أحلى تستمتعون بالنافورة الراقصة تبتدي 6 مساءً ، ومطاعمهم حلوه للعشاء.
إنتي ذاكرة فاليوم السابع مرسى دبي
وفاليوم الثامن المارينا
مرسى دبي هو نفسة المارينا .
اليوم الثامن : ديرة سيتي سنتر -وندر لاند - the walk الممشى - المغادرة لفندق اطلنطس
بدلت المارينا بالممشى(جميرا بيتش ريزيدنس) لأنه قريب من اطلنطس مسافة 5-10دقائق.
رحلة سعيدة بإذن الله

sffara
مشكورة وان شاءالله اعمل بنصيحتك
بس بالنسبة لسفاري ان شاءالله بنتحمل الحر لانا نعشق التطعيس وماعندنا اجازة بالشتاء
جزاك الله خير

بنوتة الامارات
مرره مرره عجبني تعديلك للجدول ماتقصرين يابنوتة الامارات مو جديدة منك دايم هذا طبعك
جزاك الله خير
وانا متأكدة اني بكون مستمتعة في ديرتكم لو مازرت الاماكن لان يكفيني اهلها

اشوف وندر لاند لاتستحق الزيارة
عن تجربة السنة الماضية
وغير كذا جدولك مضغوط