1. وانصحكم نصيحة إخو يحب لكم الخير أن تسكنون في شقق :


2. http://www.desertrosedubai.com


3. واللي يبي الرخص عليه بفنادق الشارقة .


4. وفقكم الله ورحلة سعيدة و إقامة أسعد


5. الشقة مريحة للأطفال


6. حمام السباحة ما عليه ضغط وخاصة الصبح وكذلك النادي الصحي

انا ناوي أزور دبي قريبا وبحثت في خصوص الموضوع هذا ولم اخرج الا بفندق واحد
وهو فندق تاج بالاس .. خمس نجوم .... وواسعاره متوسط فوق المتوسط
آنا صار لي عشرين سنة أروح الإمارات وبصراحة لقيت إن أفضل شي للعوايل أن تسكن في شقة أو ستوديو

وانصحكم نصيحة إخو يحب لكم الخير أن تسكنون في شقق :

http://www.desertrosedubai.com

وهي شقق نظيفة حيل وقريبة من مجمع برجمان ومجمع الخليج ولصيقة بالسوبر ماركت المعروف عندهم بينيس وإدارة الفندق كلها مسلمين أقترح الحجز مباشرة من الفندق وأسعارهم ممتازة حسب مستوى الشقق ومقارنة ببقية الفنادق الثانية .. أما عند موقع الفندق وبعده عن بقية المجمعات فهذا موعيب لأنك تحتاج للتكاسي أول وتالي وماراح تفرق معاك وإذا أجرت سيارة فما يهم البعد ووصولك لمجمع سيتي سنتر تحتاج ل عشر دراهم بس وبقية المجمعات اللي في بر دبي لا تحتاج اكثر من خمس دراهم حسب العداد اللي بالتاكسي .

واللي يبي الرخص عليه بفنادق الشارقة .

وفقكم الله ورحلة سعيدة و إقامة أسعد

أنا مع مبدأ " الشقة افضل واوفر " فهناك شقق مجمع البستان لكن اسعارهم قاعدة تزيد ومستوى الخدمة يقل وفي كذلك ستوديوات تابعة لفندق المريديان في بني ياس وآنا سكنت فيها عبارة عن صالة كبيرة ومطبخ وحمام والكنبة ( القنفة مثل مانقول ) تتحول فراش وعندك بعد غرفة ماستر مع حمامها طبعاً وللعلم الصالة كبيرة والمكان هادي حيل والسعر تقريباً 25 دينار .. عندك بعد شقق السندس ميريديان وهي قريبة من الستي سنتر يعني تروح مشي بس اسعارها يمكن ما تناسب ميزانيتك وعموماً موجودة في مكاتب السفريات بالكويت وعندك بعد الجولدن ساندز مبنى 10 لكن تحمل الإزعاج وميزة الشقق إن فيها غسالة ونشافة 100% وقريبة من مجمع برجمان
لكن ولأني احب لك الخير انصحك بالسكن في ديزرت روز والله ما راح تندم هدوء + نظافة + موقع + أسعار مناسبة ومستوى خدمة ممتاز والشقة اللي فيها غرفتين تحصلها بسعر ما يتجاوز 35 دينار والإستوديو ب 25 دينار يعني
والشقة مميزاتها عن الغرف الفندقة العادية كالاتي :
اوفر من حيث السعر لأنك لو اخذت غرفتين في فندق بتكلفك مو أقل من 60 دينار
الشقة تخذ راحتك فيها اكثر وممكن تطبخ اللي تبيه إذا ما كان عندك مزاج للمطاعم

الشقة مريحة للأطفال

حمام السباحة ما عليه ضغط وخاصة الصبح وكذلك النادي الصحي

بالنسبة لديزت روز فهي ملاصقة للسوبر ما ركت يعني الصبح تروح ( الجمعية ) تشتري هالفطاير الحارة واللي تشتهيه وترد الشقة تكون ام العيال مسوية الحليب واللي خاطرك فيه وغذا نسيت غرض الجمعية يمك ما في داعي تعصب ويمك كذلك مطاعم لبنانية ومأكولات خفيفة .
صدقني ما راح تندم أبد وراح تصير مدمن شقق بدبي كذلك منطقة بر دبي اهدأ من ديرة والتمشي بالليل من الفندق إلى مجمع برجمان او الخليج متعة خاصة إذا كان الجو فيه نسناس هوا
الشارقه فيها مراكز جديده مثل الستي سنتر وحلوه لاكن دبي تستمتع اكثر والشارقه زحمتها اكثر
المهم الااخوان ذكروا الفنادق والشقق وانا معهم لاني من البلد وفعلا خذ سياره ايجار واب ترتاح احسن من التكاسي وبعدين في فنادق علي الشاطي حلوه للرياضات البحريه مثل المريديان السياحي والجميرا بيتش فيهم بارات لاكن محد له خص بالثاني يعني مب فوضه وعلي فكره موقع ديزرت روس مميز لانه قريب من يعني برجمان نفس المنطقه جميره 10 دقايق الستي بعد 10 دقايق والمطاعم قريبه وانصحك فيه وتاج بالاس حلو يستاهل بس خذ الانسب