السعودي
16-04-2022 - 02:39 pm
السلام عليكم ورحمة الله وبركاته
خواني انا ابي اسافر لدبي وابي اعرف التالي :
1- ابي فندق يكون حلو وسعره يكون حوالي 150 الى 180 ريال سعودي
2- كيف استبدل الريال بالدرهم من غير الفنادق وكم يسوى الريال بالدرهم
3- هل تنصحون اسكن في دبي او الشارقة وكم تبعد الشاقة عن دبي
وياليت تعطوني فندق او شقه تكون نظيفة وسعرها مقبول
4- هل البنزين البترول غالي عندهم وكم يسوى يعني
ياليت تعطوني ارقام للفنادق إذا تعرفونها
تحياتي لكم
اخويه السعودي ..حياك الله في دبي تراها بلدك الثاني وما بتحس بالغربه فيها
وبالنسبة لأسلتك بحاول قدر المستطاع الرد عليها .. والله المستعان
1- بالنسبة للفندق هو على حسب نوع الفندق الي تريده ومكانه يتحدد سعره .
2- والدرهم الاماراتي يعادل الريال السعودي ومحلات الصرافة في كل مكان منتشرة وممكن تلاقيها في مراكز التسوق مثل ( سيتى سنتر - برجمان - لامسي بلازا - مدينة الغرير .. الخ ) .
3- الدار دارك في دبي والا الشارقة تراها كلها بلد وحده .. لان الشارقة لا تبعد عن دبي سوى عشر دقائق بالسيارة ، وبالنسبة للفنادق أو الشقق على حسب حجم العائلة وانته حدد السعر المناسب لك .. وان شاء الله اندلك للمكان المناسب .
4- أما بالنسبة للبترول هناك نوعان سبيشل = 4 دراهم للجالون أو سوبر = 5 دراهم للجالون .. ومثل ما قلت لك الدرهم والريال يتعادلون في القيمة .
أما اذا حبت تعرف اي شي اضافي فلا تتردد في السؤال
واليك هذا الرباط لمفاجأت صيف دبي http://www.mydsf.com/arabic/dss/default_surprises