الواحه الخضراء
09-07-2022 - 09:27 am
أولا وقبل كل شي اشكر اخوي القطري واخوي سعيد
والاختqatar2007على مساعدتي في اختيار الفندق
وثاني شي خلاص قرب وقت الرحله(بعد اسبوعين وشوي)
يعني ابغى منكم تعلموني وش افضل الاماكن اللي لازم ازورها
(بما انها اول مره) وباختصار اكثر انا جايه للتسوق ابغى افضل
الاسواق ومحلات الماركات مثل لوي فيتون وغيرها لكن اذا فيه
اماكن سياحيه تستاهل اني اروح لها مايمنع من ذكرها
ولاتقولون لي خذي لفه على المواضيع لأني من مده وأنا آخذه
لفات وأخر طلب ودي اعرف كيف الجو هناك خصوصا معاي ولدي
5سنوات يعني كيف الملابس اللي اجيبها معاي
وآسفه على الاطاله وشكرا للجميع
لاشكر على واجب وهذي أبرك الساعات وان شاءالله اتروحين وتستانسين وأتوسعين عن خاطرج هناك..
بالنسبه للولد الله ايحفظه ..لبسيه ملابس شتويه وخصوصاً قبعه على الراس وغطي الأذن من البرد لأن الجو بشكل عام أيكون بارد..ولاتنسين الوشاح على رقبته ..وأنا عن نفسي هذا أحلى وقت أحب ازور لندن فيه لأن الجو روعه ..
بالنسبه للمجمعات ..عندج المجمعات الكبيره مثل السليفرج+ هارفي نيكولز + جون لويس+هارودز ( مع العلم اني ماأنصح فيه لأنه غالي على الفاضي )+الوايت ليز( مجمع قديم بعض الشي )
وعندج الشوارع الي كلها ماركات مثل بوند ستريت + هارفي سولان ستريت ( قريب من هارودز )+ رجينت ستريت +أكسفورد ..
أماكن سياحيه أنصحج اتروحين كوفنت قاردن لان الولد بيستانس هناك وحتى أنتوا بتستانسون في هالمكان..
أم
هذا الي في بابي الحين
عسا أكون أفدتج بشي ان شاءالله