dvd4films
03-04-2022 - 07:19 pm
مرحبا كيف الحال اخوانى
بصراحه احب اشكر الكل على المجهود اللى قاعدين يوفرونه لاخوانه والجميع استفاد منه
وبصراحه استفدت كثيرا جدا من هذا المنتدى
قبل كل شئ احب ابارك لكم على قدوم شهر رمضان وان شاءالله يكون شهر خير على الجميع
اخوانى انا مخصص مبلغ بحدود ال3 الاف الي 4 الاف دينار كويتى ما يقارب 55 الاف ريال سعودى
وناوى اشتري بضاعه من الصين
ابي شنط ماركه تقليد درجه اولى نسائي وابي تكرمون جواتى ماركات تقليد واكسسورات
بصراحه وين تنصحونى اروح بالضبط ابي اخذها من الصين وكم الاسعار هناك؟؟؟
وشكرا
في البداية المبلغ المطروح مناسب جدا لبداية تجارة ولكن يجب الاخذ بالاعتبار ان جزء من هذا المبلغ راح يكون للشحن وجزء للسكن والاكل .
بالنسبة للبضاعة انا انصحك بمدينة كوانزو لان فيها طلبك وباسعار تتناسب مع الكويت
مثلا اسعار شنط التقليد الدرجة الاولى مابين 100 الى 200 رممبي ( يعني مابين 4 دنانير الى 7.5 تقريبا )
والساعات على حسب المديل بس ما يرتفع السعر عن 8 دنانير
طبعا انت وشطارتك تقدر تحصل على السعر الارخص
طبعا مو شرط كلامي يكون صحيح بالنسبة للاسعار لان انا كنت اتعامل مع محل وكنت اخذ الاسعار اقل من جذي , وبعض الاوقات كنت اخذ اغلى اشوي
وبالنسبة للاكسسوارات النسائية هم تقدر انك تضيفها الى البضاعة لان الاسعار عندهم بالجملة مربحه جدا جدا
والله الموفق