حلم صعب المنال
28-04-2022 - 11:43 am
السلام عليكم ورحمة الله وبركاته
اولا احب اشكركم على هذا الجهد اللي تبذلونه في هذا المنتدى الرائع
ثانيا انا طامعة بمساعدتكم لي بالاجابة الوافيه على سؤالي ويا ليت بالتفصيل الممل اذا ممكن
الموضوع وما فيه يا اخواني اني حابة اسافر ان شاء الله بالصيف للصين عشان اشتري اثاث بيتي من هناك ويمكن اشتري الارضيات وسيراميك الحمامات وانتم بكرامة ويمكن الابواب الداخليه والخارجية
فاللي ابي اعرفه شلون الطريقة علما اني من الكويت يعني شنو المطلوب مني وشلون طريقة الدفع هناك
ويا ترى تسوى اشتري الابواب من هناك والا بالكويت افضل؟
وبالنسبة للاثاث انا سمعت ان الاثاث الراقي جدا غالي هناك وانا بصراحة ما نويت اسافر للصين الا اني ابي اشتري ارقى الاثاث ان شاء الله وبافضل الاسعار فاشلون اسعارهم الحين بعد الازمة الاقتصادية العالمية والركود الاقتصادي؟ ان شاء الله نزلت الاسعار؟
يا ليت تفيدوني شنو الاشياء اللي نزلت اسعارها وجم سعر الكاونتر الحين؟
واذا في اي معلومة اضافية تقدرون تفيدوني فيها فلا تترددون بذكرها
ادري كثرت عليكم بالاسئلة بس كلي ثقة بكرم اخلاقكم وتعاونكم وادري انكم ما تقصرون
الله يبارك فيكم ... وتقبلوا شكري وتقديري
بالنسبه الارضيات والحمامات ( اكرم الله القاري ) فهذى حسب الاخوان اذا المساحات كبيرة تستفيدين يعني اذا كانت اكثر من الف متر ومعها بقيه المستلزمات للحمامات . غير كذا فهي غير مجديه . وانا رايح انشاء قريبا وسوف اكتب تقرير مفصل باذن الله عن الانواع والاسعار .
اما بالنسبه للاثاث فاخونا ( اسير الدوحة ) سوف يعود غداً من الصين ولدية الاخبار طازجة من الفرن الى المائده . والاخ اسير الدوحة تقاريره جميله و وافيه بحيث تجدين ادق التفاصيل فيها .
هذا اول خبر منه طازه بس امس وصل
https://artravelers.com/p/re/256432
انت مسافره في الصيف يعني بدري . كل يوم ادخلي المنتدي وسوف تجدين الاخوان بتقرير جديده بس عليكي المتابعة
ولك تحياتي