شكلكم مافهمتم علي اللي ابيه الحين رحلتي الى لنكاوي مايمديني ألحق عليها وهي ع طيران اسيا هل استطيع تاخير موعدها
وبالنسبة للفندق اللي اول يوم هل استطيع الغاء بدون اخذ المبلغ
لاني الغيته ويقولون تم الإلغاء وسيتم استقطاع المبلع لانه المفروض لو ابغير او بلغي يكون قبل بكم يوم
والله ورطوني الخطوط الاماراتيه وخسروني حسبي الله عليهم

يارب يكون فعونك من جد خساير ... والمفروض تطالبهم بحكم انهم تسببو فخساير لك ..

حسبي الله عليهم وربي خساير الله يعلم فيها بس من يساعدنا في اير اسيا يغير الرحلة هل صحيح ما قدر اغير قبل موعد الرحله 48 ساعه

قدر الله وماشاء فعل
دائما يحذر الاخوان في المنتدى , بعدم حجز رحلة داخلية عقب الوصول من الدولية , ريح يوم أو يومين , ثم انطلق الى المدن الآخرى ,
لكن معوض خير
وسفرة سعيدة

الله يعوضك خير في رحلة لنكاوي
إيرأسيا مايقبلوا الإلغاء ولا التغيير
بعد ماترجع أرفع دعوى عليهم وخل معك كل الأوراق الثبوتيه مثل فاوتشر الرحلة الداخلية
وحجوزات الفنادق
الآن حتى حجز لنكاوي بيروح عليك لكن أقترح عليك تدخل على موقع الحجز وتغير تاريخ الدخول لفندق لنكاوي
حتى لا يروح عليك أو يخصموا عليك الليلة الأولى
أول ما توصل مطار كوالالمبور روح على مكتب إيرسيا واحجز على لنكاوي
وكان الله في عونك ولعل لك فيها خيرة وعسى ان تكرهوا شيئاً وهو خير لكم
والخيرة فيما أختاره الله
دعواتي لك بالتوفيق

المشكله الفنادق في لنكاوي تبدأ يوم 16 نوفمبر بس والرحله توصل كوالالمبور 2 الظهر وش رايك احجز ع لنكاوي الآن بالنت مره ثانيه ولا انتظر إلي ان اوصل هناك ؟ وكيف اغير حجز فندق لنكاوي المشكله الموقع اسيا ترفل انا ماني متعود له زي بوكينج
حسبي الله عليهم

ما فيه حل الا اذا وصلتي كولالمبور انك تحجزي وتشتري تذكرة جديده
والله يعوضك على هالخسارة وانسها علشان ما تخبر عليك الرحله

السلام عليكم
آير آسيا ممكن تعدل موعد الرحله بس عليها رسوم ممكن تكون عاليه
انت جرب تعدل موعد الرحله وشوف كم بيحسبون عليك رسوم أفضل من تتلغي
والفندق إذا حاجز عن طريق النت حاول تتواصل معهم بالشات مباشر او ايميل إذا يمدي
وقلهم تبي تتأخر يوم وان السبب الطيران الدولي وشوف يمكن يتساعدوا معك
وهو يعتمد علي شروط الحجز وقت ماحجزت بس بعض المواقع يتساعدوا بعض المرات جرب انت خسران ليله خسران
وبالنسبه لطيران الإمارتيه لاتخلي حق حاول تراجع احد مكاتبهم وتوريهم الفاوتشرات
حق الفندق وحق الرحله الداخليه وإذا ماتساعدوا معك عادي إرفع عليهم قضيه مانت خسران شي

zazaz
دخلت عليهم مافي تعديل يبدولي مو مشكله ع الرسوم وعلى قولتك انا اصلن بحجز حجز جديد اذا متأكد ان فيه تعديل افزع لنا ياخوي ماعندي مشكله بالرسوم
والله ما توقعتها من طيران الامارات كذا وبدون مقدمات يأجل الرحله ويغير وجهتها !!!