footon
وانا بعد اخت فتون ابي من يدلني وبسرعة لاني رايحة بعد يومين
مع العلم اني من المنطقة الشرقية في السعودية يعني اللي تعرف محل فيه تدليني الله يجزيها خير
حتى لو في البحرين عادي اقدر اروح بس ارجوكم بسرعة

اختي فتون
بارك الله فيكِ ووفقك لكل خير
لي رأي صغيرون... لو يتسع صدرك له قليلاً اكون لكِ من الشاكرين
اولاً / لايوجد لباس للسباحة لايلتصق بالجسم مهما يكون... وهذه طبيعة الأشياء تلتصق بالماء على الأجسام
ثانياً / إذا كنت حريصة على هذه الملابس بنفس الصفة التي ذكرتيها فأحرصي بارك الله فيكِ على أن يكن في مسبح (خاص) لايراك الرجال فيه
اخيتي الكريمة
اشكر لك حرصك على إرتداء اللباس الساتر والفضفاض وأسأل الله يوفقك لما يحبه ويرضاه
ومانصيحتي لك إلا غيرة على أخت مسلمة تنشد الخير لنفسها ولأخواتها المسلمات ولما لمسته من كلامك من حرص على الستر والعفاف ومحبة الخير
وفقكِ الله لكل خير

وانا بعد ابغي اعرف

اشكرك اخوي المحتسب على كلامك الطيب وانا فعلا قلت ممكن الستخدمه اذا شفت مكان معزول في لنكاوي او بييننج بس عشان ما اتبلل وانا جالسه الاعب اطفالي في البحر... وشكرا على الرد

هذا اللبس اسمه مايوه محجبات .. وأنا شفته في محلات نادي النصر في الكويت
و في محلات الرياضة في مصر
بس تقدرين تسوينه .. جيبي المايوه الكامل اللي زي حق الغطس .. وجيبي قماش ما يشرب مويه
و فصليه زي قطعه طويله واسعه من فوقه

موجود في مراكز الفالح للرياضة بجدة ب350 ريال وفيه نوع ثانى ب50 ريال تعبان وجوده زى عدمه اكمامه طويله وساتر لين اخمص القدمين مع قطعتين قماش فضفاضة حولين الصدر والورك ولونة اسود ولا تأخذون الا الاصلى يلبس فوقه العبايه ممكن تفصليلك من نفس القماش وتلبسينها عليه واتحدى لو بان منك شى ولا احد حيشوف حاجه الا المعقد الي الا يبي يطلع اي شى ويقلك شوفى هنا والله حتى لو مافي شى يبي يطلع شى والله يضحكونى
اخى المحتسب اعلم يقينا اننى والله لو رايت انه يبرز شىء من جسد المراءة لما قلت هذا الكلام وثق ان شاء الله لان القماش المصنوع منه من خيوط النايلون ليس كمثل القطن والكتان او الصوف تشرب الماء وتشكر على غيرتك على محارم الله لانه فعلا البعض يتهاون في نوعية الاختيار وينخدع بالمسما فيحدث مالا تحمد عقباه
هذا والله اسأل لما يحبه ويرضاه

وانا شفته بعد في مركز النصر للرياضة في الكويت
بس بصراحة ما عجبني احس انه قمته وحار ولازم راح يحدد الجسم

الله يستر علي جميع المسلمين و المسلمات
صورة للتوضيح]