الله يهنيكم
كيف الاجواء عندكم ؟؟

الحمد لله على السلامه أخوي
ممكن أحداثية الشقق سويت يالغالي وكيف اعداد الاحداثيات بجهازك
وابغى السايت حق الشقق ودي أحجز باوقست لا هنت

الحمد لله على سلامتكم
أنا مسافر لميونخ في أغسطس و معي طفلتين (5 سنوات) و سمعت عن يورو بارك، فهل تسوى المشوار؟ سمعت إنها تبعد حوالي 3 ساعات بالسيارة.

الله معاك يا مضيع الدرب وبالتوفيق

هلا اخوي كيان والله الجو حليو العصريه الصبح كان الجو يعني شوية نسمه حلوه وشوية شمس بس الحين بدأ الجو يبرد شوي
اخوي ماجدبعطيك رابط الفندق بس الاحداثيه فالجارمن ان شاء الله بجيبه لك...بعدين هذا فندق مش سويت اسمه جذيه الغرفه كبيره وممكن تشل فوق ال4 اشخاص فيها سرير كبير وفيه تحته ينسحب سرير حق شخص وفيه كنبه تصلح لشخ آخر وممكن تطلب سرير اضافي وفيه شاور وبانيو بروحه والحمام تكرم بروحه وممتاز بس بدون افطار الافطار كرواسون وشاي..وهذا رابط الحجز فالفندق... وهو فشارع parkstadt schwabing lyonel-feininger-str.22 اكتب هالعنوان فالجارمن وبيوصلك لباب الفندق..
http://www.suitehotel.com/gb/home/index.shtml
أخوي سعود اليورب بارك حلوه واحنا جيناها من انترلاكن ساعتين ونص لما كملنا الى ميونخ عطانا الجارمن 3ساعات وعشر دقايق بالضبط للفندق وهيه حلوه وفيها العاب تخوف ههه وفيها عروض ومطاعم بس انا تعبوني العيال 5 ماشاءالله بس تستحق التجربه وتقضي يوم متعب فيها...بس بيستانسون الصغار فيها سينما 4D يعني رباعية الابعاد حلوه الكبار ب 34 يورو الدخول والاقل عن 5 سنوات بلاش قولهم عيالي عمرهم 4 عادي...بس ان شاء الله بتستانسون
أخوي ALI-Q8-77 مشكور عالرد وان شاء الله نتواصل وياكم

شكراً و ما قصرت

الحمدلله عالسلامه اخوي مضيع الدرب واتمنى لك والعائلة اوقات حلوة وآمنه ان شاءالله
بس اذا ما عليك كلافه عندي استفسار بسيط طول الله عمرك :
سفرتي راح تكون بأول اغسطس انا والعائلة وراح نكون بميونخ اول شي وبعدها بثلاث ايام بنروح النمسا
سؤالي كيف الوضع اخوي بالنسبة لنظرتهم لنا احنا الخليجيين لأني سمعت ناس يقولون الألمان ما يعبرون العرب نهائيآ .
كذلك بالنسبة للوصول لميونخ بالمطار الدعوى راح تتسهل بالنسبة لأجراءاتهم وراح احصل احد يوصلنا الفندق على سيرة لأننا تسع اشخاص ( بيني وبينك متخوف من مسألة نظرتهم لنا )
وآسف عالأطالة

مرحبا اخوي..
الكلام غير صحيح الصراحه انا ما واجهتني اي مشكله انا سبق لي زيارة المانيا وحاليا بالمانيا بالعكس وايد يساعدون من تطلبهم بس طبعهم يمكن يكون جذيه وبخبرك موقف حصل لي قبل سنتين كنت اول مره انزل ميونخ من النمسا وبعد ما وصلنا الفندق قلنا نسير مارين بلاتز شارع تسوق معروف نتسوق وسرنا ويوم الرجعه ضيعت الدرب لان ما كان عندي جارمن وصدق ضيعت ماعرف وين اروح وعند الاشاره حصلت الماني كبير فالسن قلت له اني مضيع الدرب قال وين تسكن خبرته عن الفندق ضحك وقال شو مودنك برلين وانته ساكن بميونخ ههه المهم قال اتبعني تصور من وين وصلني للفندق!!!
وماشاءالله العرب موجودين بالمانيا والنمسا وكلهم عزوه وذخر لاتخاف الشيخ.اما اجراءات المطار ما ادري لأني ما جد رحت مطار ميونخ انا كل سفراتي تكون لفيننا واجراءاتهم سهلة..
..اما بالنسبة للافرد اللي وياك وهم 9 لاتحاتي فيه سيارات فان تشل اكثر من هالعدد واذا ما انوجد الفان تاخذ سيارتين مو مشكله لاتحاتي والمانيا والنمسا فيهم امان ومثل ما قلت فيها عرب وبالعكس كانوا قبل ما يتكلمون انجليزي كثير لكن الحين اشوفهم بلابل يغردون ههه

ربي يحفظكم تجون بالسلام ان شاء الله