السلام عليكم يا شباب
بصراحة بسبب المنتدى ما تدرون شكثر استفدت من رحلتي الى المانيا والنمسا
فعن طريقه تعرفت على هاتين الدولتين وسافرت وكاني ازورهن من قبل
المهم ما بطول عليكم انا واعوذ بالله من كلمة انا بشرح لكم وبالتفصيل الممل كيف سافرت وحجزت
1. انصح اللي يبغي يسافر اولا التاكد من الفيزا والتامين الصحي بعد ... الحافظ الله
2. اللي يسافر مع عائلته يتاكد من الحجز لان الشباب ما يهمم حتى ولو كانوا هوم لس خ
3. حجز السيارة يكون من قبل الانتر نت ارخص بوايد يعني انا حجزت سيارة لمدة اسبوع وكلفتني 292 يورو لا وفيها نظام الملاحة والغيار اوتوماتيك
ابدا معاكم الرحلة
سافرت من مطار ابوظبي وعلى طيرن الاتحاد الى ميونخ وكان عندي حد من الربع في الاستقبال من حسن حظي وكان الحجز في فندق بيرهوف في قلب المدينة قرب المارين بلاتز وهو مثل اكسفورد ستريت في لندن
المهم ثاني يوم سرت وجبت السيارة اللي كنت حاجزنها عن طريق النتوبديت اول الرحلة وكانت الوجه مدينة سالسبورغ في النمسا طبعا ما شي حدود بين الدول الاوربية مب مثلنا نحن
براويكم بعض الصور والبقية بتييكم لاني بطول معاكم وايد في الكتابة
الى اللقاء مع سالسبورج شوفوا الخارطة