نشر في الكويت

وش رأيكم في اختياري للفندق

aum_saud

06-10-2022 - 08:52 pm

أنا بعد رحلة طويلة طويلة طويلة في البحث عن شقق مفروشة بالكويت كلها صراحة وقت العيد غالية نار في السالمية وأنا أول مرة أزور الكويت لقيت عرض في فندق بمطقة حولي أسم الفندق Hawthorn عندهم عرض 25 دينار
ودي أسألكم هل هذا الفندق جيد ونظيف؟
وأنا عرفت انا كل المجمعات والمطاعم في شارع السالمية منطقة حولي بعيدة عن منطقة السالمية ؟

التعليقات (9)

أبــوعبدالله

07-10-2022 - 12:35 am

aum_saud
هلا بآخي الفاضل آنا سويت بحث وحصلت لك الفندق وهذا الرابط بس الموضوع قديم حيل
https://artravelers.com/p/re/135104

aum_saud

07-10-2022 - 01:36 am

معقول ماأحد جرب هذا الفندق

كويتي1968

07-10-2022 - 02:37 am

السلام عليكم
انا اشوف ان الفندق 4 نجوم بكل الاحوال راح يكون مناسب اولا لانه اربع نجوم وثانيا لان حولي 10 دقايق عن السالميه بينهم جسر بس ويمكن اقل من 10 دقايق الناس متعودين على السالميه لانها على البحر مباشره تقريبا الصراحه بهالسعر اخذوا وتوكلوا على الله انا شفت عندهم عرض العيد ب 25 دينار . ترى الكويت صغيره وحولي قريبه على كل شي؟

بيت الكويتى

07-10-2022 - 03:38 am

اخى الكريم منطقة حولى زحمة فو وقت العيد اللة يعينك على حولى اغلبيت الموجودين اجانب

كويتي1968

07-10-2022 - 04:39 am

السلام عليكم
وقت العيد الزحمه في المجمعات بس افضل لك السكن بحولي 10 دقايق عن السالميه لان فنادق السالميه يستغلون الموسم ليش تاخذ 50 دينار وفوق لليوم وعندك بحولي 25 دينار وانت ماراح تستخدم الفندق الا للنوم طول اليوم بره زياره للمجمعات والاماكن السياحه .

aum_saud

07-10-2022 - 05:40 am

المزعج
أخوي من جد مستغلين الوقت أخر أستغلال لما أتصلت عليهم الأسعار زايدة بالمرة

بيت الكويتى

07-10-2022 - 06:41 am

فى بالفروانية شقق فندقية اسعارهم 40 دينار مع الفطور

كتكات783

07-10-2022 - 07:42 am

نصيحة أخوية من شخص عانى كثيرا
الكويت لا تصلح بالعيد أبدا أبدا خصوصا إذا كنت سائح لا تعرف أحدا يعني مجمعات وترفيه ومطاعم
عانيت كثيرا فيها ( أما غير العيد ما أقول إلا ياحلو الكويت وأهلها )

نواف الخليج

07-10-2022 - 08:43 am

الكويت حلوة بالعيد وغير العيد ....
لكن المشكلة
الزحمة بشارع الخليج العربي
الجو حار هذه الأيام
في الشتاء الكويت روعة والمجمعات ما شاء الله ... السالمية ترتاح حتى لو تتمشى بالشتاء
مو شرط الشتاء القارس يعني الجو بارد شهر 12
أجلها لعيد الأضحى

الكويت المسافرون العرب

وش رأيكم في اختياري للفندق