الكورت يارد من وجهة نظري افضل من الموفنبك
خصوصا مكان الموفنبك مو حلو وايد لان اب منطقة زحمة شوي
(جنب جامعة الكويت و التطبيقي و منطقة المستشفيات و الميناء)
و مو بعاد وايد عن الاسواق يعني مثل
يبعدون عن السالميه 20 الى 25 دقيقه مو اكثر..
و كورت يارد تحته مجمع تجاري اهوا مجمع الرايه
و قريب منه مجمع تجاري اخر اسمه (دار العوضي)
و
ايضا سوق شرق يبعد عن كورت يارد 10 دقايق تقريبا
يعني مكانه حلو و ممتاز و انصحك تسكن فيه
بالنسبه للمطاعم
المطاعم و الكافيهات بالكويت اكثر من الهم على القلب
اذا تحبين الاكل الشعبي (الكويتي) عيوش و مجابيس و هالاشياء انصحج اب مطعم (فريج صويلح)
طلبي (مموش او معدس او مربين او مرقوقه او مجبوس دياي/لحم :8888
في مطعم بالافينيوز
اسمه Rice
موجود تقرير عنه ب ساحة الكويت
يمدحونه لكن ماجربته
اهوا مطعم مودرن نوعا بس طريقة التقديم ب اواني قديمه
في مطعم آخر بالافينيوز اسمه
UNO Grill House
لذيذ ال Burger عنده و ال Fish & Chips بعد
تشوكليت بار
انصحج فيه طبعا اذا حابين اتحلون فيه و تشربون كوفي
و عنده بعد باستا و سندويشات (لا تطوفكم ال Pink Pasta عنده لذيذه بشكل مش طبيعي :24
في مطعم ستيكات ايضا بالافينيوز
اسمه The Butcher
وايد لذيذ..
ما انسى المطاعم الباجي..
مثل : جوني روكت , نينو , لونوتر , ماكي(ياباني) , اشاز , انتريكوت , كافيه بلان , كريب كافيه
لورينزو.. الخ

الله يعطيك العافيه همبكه مشكورره ياقلبي ماقصرتي
كوت يارد انا سكنت فيه قبل بس حبيت اغير
والمطاعم سجلتها عندي وان شاء الله اجربها
وهيل وزعفران ياليت اللي يعرف فرعهم الثاني يفيدني

وانا من راى الاخت همبكة كفت وفت اما بخصوص مخبز امير الامراء عندهم البقصم السورى لذيذ جدا اما بخصوص هيل وزعفران الفرع الثانى بالجابرية يم المكادونلز

مشكوره بولغري الله يعطيك العافيه