الووو
09-07-2022 - 01:50 pm
يا ناس انا سجلت في هذا المنتدى حتى استفيد من خبرات ها الاجواد اللي سافروا لماليزيا بس اكتشفت انهم زي ما فادوني ببعض الاشياء حيروني بأشياء ثانية
مثلا مدح لنا موظف في مكتب سياحي فندق اسمه دانستي وقرات عن احد الاخوان في المنتدى يذمه ويقول انه مخيف جدا
جزاه لله خير اللي نبهنا عليه قبل مانحجز فيه ونتوهق
بس عندي مشكله ياالاجواد اني بعد اقرا مدح لفندق في ماليزيا واقرراسكن فيه اقرا عن عضو اخر يسبه مرا
وش رايكم كيف احدد الفندق اذا كان جيد اولا في ظل قلة خبرتي وتفاوت اذواق الناس
استفسار بسيط
مااعرف انجلنزي هل اقدر امشي اموري في ماليزيا انا وعائلتي علما بأني ابحجز كل شئ من الرياض ان شاء الله0000
أنا أعرف ناس راحوا ماليزيا رجعوا منصدمين من ماليزيا كلها مهب بس من فندق !!
وأعرف ناس زاروا ماليزيا ورجعوا يعشقونها أكثر من عشق قيس لليلي !!
أشياء كثيرة ومؤثّرات أكثر تحدد نظرة الشخص للفندق أو البلد هل هي إيجابية أو سلبية .
،
يعني مثلا عائلة ومعهم أطفال وحريم وشباب يروحون يسكنون في الهيلتون الفندق زين بس منطقته مش ولا بد ، لو سكنوا في ماريوت أو الفنادق اللي حول ماريوت أفضل لهم لأن الشارع يخترش وحولك كل شي
الخ
ولا عاد عائلة وتروح تسكن في فندق الخيول !!
صح هو زين للعرسان ، لكن للعوائل ما أظن ، وقد يختلف معي البعض .
بالنسبة للغة ما عليك الأمر سهل جدا ، وهم متعودين على لغة الإشارة ، أهم شي تاخذ معك مترجم آلي اللي يجي بحجم صغير مثل الآلة الحاسبة علشان الأشياء الضرورية تسأل عنها أو تترجمها .
فأنت لو مثلا بغيت شي ضروري في الفندق : مخدة زيادة ، دواء ... الخ تبي تحوس إلين يفهمون ، لكن إذا معك مترجم آلي يسهل الأمر عليك بإذن الله .
،