اشدعوه ماكو ردود للرفع

عليك بانترلاكن ثم انترلاكن
رحلة موفقة ان شاء الله

miss teetee
انترلاكن ولوزيرن اذا انتي ليست من هواة التزلج وبالتحديد فندق فيكتوريا
قشتاد او كرانز مونتانا او فيربير او حتى مجيف اذا من عشاق التزلج
بالتوفيق عزيزتي

مشكورين بس الله يخليك وضحي اكثر يعني اخذ قطار من باريس و لا طيران داخلي و اشلون على انترلاكن ؟؟
و شنو اماكنها السياحيه بالشتا ؟؟ و كم يوم تحتاح ؟؟ ولوزرين تقصد لوزان ؟؟ يقولون زيورخ حلوه تنفع بالشتاء ؟ و الحجز من سفريات افضل ولا النت للفندق الي ذكرته ؟؟
وادري والله اذيتك بس اشرايك عقب اروح اسبانيا ولا كافي اوزعها باريس و سويسرا ؟؟

H A B
اشلون يكون خط السير و انا ناويه على باريس و برشلونه ؟
وشنو ممكن اشوف بانترلاكن بالشتاء ؟؟ و شسم الفندق ؟؟ و مشكور

ابو عزيز ادري مصختها ههه
بس اقترح عليك مجرد اقتراح ههه تسوي برنامج ماذا تفعل اسبوع بسويسرا بالشتاء تكتب الاماكن المقترحه
الاسعار بتكون نفس الصيف ولا ارخص ؟

miss teetee
هلا بك اختي اقتراح سبق فكرت به ووجدت انه ماله جدوى
والسبب بسيط انه في الشتاء بين شهر 12 و شهر 4 لا يوجد في سويسرا الا شيئين فقط
سوق
او
تزلج والعاب شتوية
هذا كل مافي الموضوع وببساطة
الأسعار هي نفسها ماعجا بعد 20 دديسمبر وحتى 6 يناير بتكون الأسعار غالية جدا ومقاربة لأسعار اول اسبوعين من شهر 8 من كل عام
تحياتي

aboaziz
ما تقصر والله يا بو عزيز على مساعدتك لنا و الله يوفقك يارب
انا عن خاطري بروح سويسرا 3 ليالي لأن ولا مره شفت الثلج و منها تجربه اني شفت الثلج و اتسوق و ان شاء الله بيكون بفبراير تنزيلات يارب:1:
بس اشرايك اخليها ليلتين و لا ثلاث ؟؟ و رشحلي فندق قريب من الالعاب الشتويه الي قلت عنها صج شنو يعني العاب شتوه ههه
و في محطه مباشره للأماكن الي ذكرتها ؟؟ و شنو اسامي الاسواق و محلات الكاكاو عشان الصوغه للأهل
و اشرايك اروح دايركت من الكويت لسويسرا ( جنيف ) اول و ع قب باريس ولا العكس ؟؟
و اخر سؤال ( تحملني عفيه ) و ين مكان الاوت ليت و جم يستغرق من الوقت ؟؟ و يسوى اروحله ؟