denzel
06-06-2022 - 03:13 am
مرحبا
ياجماعه انا انقلب راسي ماادري من وين ابدا انا انشاءلله ناوي اقدم على البعثات الجايه انشاءلله
وعندي واحد من الشباب جلس يقولي اعمل كذا واعمل كذا وانا بيني وبينكم ماادري عنه احسن انه
مايدري وش الطبخه عشان كذا انا بكتبلكم اللي قاله لي وانتم ردو علي ؟
قالي اول شي رح السبت لادارة التعليم وترجم الشهاده وبعدين صدقها من وزراة الخارجيه
بعدين رح للسفاره الامريكيه وصدقها بعد بس قالي هذا مو ضروري
بعدين قالي اذا اخذت الضمان المالي من الوزارة اتصل بالسفاره وخذ موعد يعني لاتاخذ الحين
عشان ما يترخبط الوضع
بس انا قلتله السفاره يعطونك موعد اذا شفت حلمة ودنك قالي لا خلك ماشي بالترتيب احسن .
طيب الحين انا بسالكم
هل ادارة التعليم تاخذ رسوم على ترجمة الشهادة وتصديقها ؟
وهل يترجمونها ويصدقونها حتى لو كان مافيه بعثات نازله في الوزاره ؟
وياليت توصفولي موقع ادارة التعليم واذا مالكم خلق عادي ادورلي تاكسي هندي عايشله 20 سنه في الرياض وبيوصلني انشاءلله بس حرام اوقف السياره
وبالنسبه لتصديق السفاره هل يحتاج ضروري ؟
وهل انا ازعجتكم بأسألتي ؟
تحياتي لكم في انتظار الرد
الدراسة في امريكا
... 100