السلام عليكم ورحمه الله وبركاته
اخواني الطليانين وغير الطليانين والي ما يحب الطليانين والي يحبهم مسيكم بالخير
جميعا فردا فردا
طول عمري وانا احلم حلم اني اروح لايطاليا ولكن ما كل ما يتمناه المرءء يدركه
الا يا اهل الطيب والخير تراني داخله على الله ثم عليكم وابي فزعتكم تكفون
انا ابي اروح لايطاليا ولا ادري اي شي عنها بس كنت اقراء عنها بكتاب الجغرافيا واسمع من
بعض
صديقاتي الكاش عن ايطاليا وكنت اتخيل نفسي معهم وبعدين تناديني الوالده واقوم من ازين حلم
حلمتوه .. بعدين كبرت وكبرت طموحي معي وصرت ادخل منتديات وبالصدفه من غير مخطط ولا شي
طحت بهلمنتدى الي الصراحه مرات يضيق الصدر لانك تشوف الشي ولا تطوله ومرات تنبسط وتنسى
نفسك في التمتع بالصور والاماكن الجميله والخياله وكل شي فيها
تحس انك في قلب الدوله وانت في مكانك ... وبهذي المناسبه احب اشكر
كل من امتعني بموضيع في مختلف الدول وكان ينقلنا معاه في الاماكن الي يروحون لها ونتسوق معاهم ونتنزه معاهم وحتى اقل شي وهي ضحكه نضحك معاهم الف شكرا لكم من الاعماق
وياليت يا اخواتي واخوني تساعدوني لاني نويت اسافر ايطاليافي تاريخ
يعني قريب مره يمكن ازنقكم في الوقت بس عندي امل في الله ثم فيكم انكم ماراح تخذلوني
اول شي مده السفره عشره ايام فقط بس العوض ولا القطيعه
ثانيا ما اعرف اروح لشمالها والا لجنوبها
ولا ابي مدينه والا ثنتين والا ثلاث :112: ابي احللها تحليل
علما باني ما احب لا المتاحف ولا الكنايس ولا الحدائق بحكم ضيق الوقت يعني ابي اروح لاشياء ثانيه
ابي اروح الاوت لت في اي مدينه حق الماركات ابي اشوف اسواق الي على قدي والا اكبر من امكنياتي
ابي فنادق معقوله يعني ما ابي اسعار غاليه مره لاني ثلاث ارباع وقتي راح يكون برى الفندق
ابي مطاعم خرافيه بما اني اسمي يدل على اني ابي اتذوق جميع الباستا الايطاليه والبيتزا
وغير كذا تكفون الي يقراء موضوعي يحط لي رابط حجز فنادق في ايطاليا يمكن انا اشوف ويعجبني شي بس المشكله ما اعرف وين موقعه ولا هو كويس والا لا فعلشان كذا ما استغني عن خبرتكم
بعدين ايش تنصحون بالتنقل من مدينه لمدينه عن طريق المترو والا الباص والتاكسي والا الطياره
يعني ايش افضل وايش امتع واسرع والي تبونه بس تكفون نجزوني
شاكره لكم من كل قلبي حسن تعاونكم معي ولا هو غريب عليكم
الف شكرا سلفا
اخيرا اقولكم والله العظيم ان سفري لايطاليا مو اشاعه
سلام عليكم ورحمه الله وبركاته
اختكم ................. بيتزا بالمكارونه