السلام عليكم جميعا، والله من حر ما فيني كتبت وحسبي الله على السفارة الايطالية. بعد جهد جهيد ومعاناة مع تليفون السفارة قدرت أكلمهم يوم 7 يونيو علشان اخذ موعد للفيزا وسفري فجر 13 يوليو. وعطوني موعد يوم 28 يونيو يعني بعد ثلاث اسابيع من اتصالي. وشرحت لموظفة المواعيد ان تاريخ 28 يونيو متأخر جدا واكدت ان ماراح يكون في مشكلة وان الجوازات تخلص يوم 9 أو 12 (الأربعاء أو السبت) يعني يوم السفر.
والمصيبة رحت اليوم على الموعد وقالت الموظفة ان ماعندي موعد وبعد حب الخشوم شيكت وقالت ان موعدي بكرة 29 يونيو.
وسألتها يمدي الجواز يخلص قالت ما في شي مضمون. وأنا هالحين جالس أضرب أخماس بأسداس وأبروح بكرة ولا أدري يمديهم يخلصون الجوازات أو لأ.
والمؤلم ان التعامل جدا سيء ومع الأسف مش من الايطاليين لكن من الموظفين العرب اللي يشتغلون بالسفارة وأنا متأكد مليون بالمية ان موعدي اليوم.
لكن الشكوة لله.
ياجماعة هل في أحد مر بموقف مثل هذا أو تعرفون ان السفارة ممكن تطلع التأشيرات بأقل من أسبوعين يعني لو سلمت الجوازات يوم 29 يونيو لازم تخلص بالكثير يوم السبت 12 يوليو.
ولكم مني كل المحبة
أبو ضي (المنكوب)