1-انصحك بالذهاب في اجازة عيد الاضحى او منتصف العام لان لاجو يكون معتدل يميل الى البرودة اما في شهر 6-7-8 فهو حار جدا والشمس قوية .2-ا سبوع يكفي لهونج كونج وزيادة , واقترح تحطين كوانزو الصينية في الجدول لانها تبعد ساعتين.
3- هونج كونج ممتعة جدا للاطفال بسبب مدن الالعاب وبشاشة الشعب وحبه للاطفال , ولكن راح تعانون من الأكل لانه حرا م ولحد يقولك غير ذلك ( للاسف بعض الخليجيين يستهينون في هذا الشي وياكلون من ماك وبيتزاهت ), وشي ثاني انه مافي مسارات لعربيات الاطفال في ميترو الانفاق تضطرين انك تنزلين او تصعدين درج طويل او تاخذين تاكسي وهو جدا مكلف بسبب الزحمة.

she
مسائك ورد عزيزي
افهم من كلامك أن الماك وبيتزاهت مضاف فيه شي أو احد مكوناته شي من الخنزير اكرمك الله
والا نفس اللي ماليزيا يكتب لك حلال
وبعدين نقطة عربيات الاطفال جديرة بالاهتمام انا ذاهب ان شاء الله قريبا لهونج كونج ومعانا طفلة رضيعة
وش الحلول في هذه
السفرة هذه الظاهر من بدايتها نكد في نكد

she
ماقصرت يعطيك العافية

جوفريز جو
لا تصعبها ...عادي انا روحت ومعايا بيبي ...ومشيت الامور
ف الدرج اشيله عادي... كلها كم درجة
واحيانا ف اصنصيرات ف الاماكن السياحية
لا تشيل هم ...
شفت هناك اوروبيين معاهم تؤائم ...وطفلين وتلاتة عادي

للاسف ما في مجال اروح بعيد الاضحى

والله ان اتكلم من واقع تجربتي , كان معاي طفل رضيع وسافرت في شهر 7 الصراحة الطفل ساح من الحر اضطريت اني اشتري مروحة صغيرة بالبطارية واركبها على العربية , وبالنسبة للمترو فكل المحطات بدرج طويل ( اطول من درج بيتنا ) ,
اما من ناحية الاكل فهي مصيبة مطاعهم كلها حرام لانهم غير كتابيين , في بعض المطاعم الحلال عند المسجد في شارع ناثان بس ماعجبتني نظافتها
لاتنسون جهزو معاكم شوربة كنور سريعة التحضير + اندومي الكاسات
وفي كويتين ماشاء الله عليهم تعرفت عليهم جايبين معاهم قدر رز ويطبخون في الفندق ويخبونه اذا خلصوا , يقولون اضمن وانظف
ا