السلام عليكم ورحمة الله وبركاته
مساكم الله بالخير وصبحكم الله بالخير
(1) - راح اتكلم عن سفريتي الصغيرة لمصر الكبيرة هي كانت سفرية أوصيرة وعلى اد الحال
(2)- كان سعر التذكرة 1860 ريال
(3) -الاثنين الماضي 1/3 /2004 طلعنا من مطار الرياض على رحلة الخطوط السعودية رقم 313 والمتوجهة لمطار القاهرة انا وابو عبدالله وكان معانا على الرحلة واحد من الزملاء والاخر قابلاناه صدفه بالطيارة
(4) - ووصلنا المطار كان في استقبلانا السواق احمد كانت اجرة السيارة 100 جنيه باليوم يعني 400 جنيه وعطيناه اكرامية 250 جنيه
(5)- واخدنا شقة بالمهندسين انا وابو عبدالله وزميلانا الاخر سكن مع اصدقاءه شقتنا حليوة وبالدور الاول فيها ثلاث غرف وصالة كبيرة ومطبخ والاجار اليومي 330 جنيه شاملة اجرة الشغالة واكرامية البيه البواب الشقة حليوة لكن الاثاث لكم عليه شوي خصوصا المخدات اللي تقول مسوينها من بلك
(6)- وصلنا الشقة قبل المغرب والصدق كان خاطري بغطة لكن ما حصلي كلا منا اخذ له دش وغيرنا ملابسنا وصحصحنا شوي وبعدها قلنا نروح نتعشى وكان الوقت تاخر شوي واصر احمد الا نأكل اكلة لزيزة من وجهة نظره اسمها موزة بالفتة ويودنا لمطعم وقالوا انها خلصت قلنا نقلبها مشاوي وانا طبعا ما اكل الحمام اخنا مشاوي مشكلة .
(7) - اخذ لنا لفة بالقاهرة في الليل مافي زحمة خصوصا انا في وقت متاخر من الليل والناس عندها دومات وعمل .
وبعد العشاء نريح شوي ويوم بديت انعس نروح لكوفي شوب اكس برس وكبتشينوا وقهوة الا والنوم مروح ولا عاد
رجع الا بعد الظهر وبعد 30 ساعة من غير نوم
(8) وطقنا الجوع ونكلم مطعم من حقين المندي ( ياكثرهم) ونطلب لنا ربع تيس ب 90 جنيه وبعض السلطات وخلافه ونتغدى وننام.
(9) – الليلة اللي بعدها تعشينا في مطعم قدوره (مطعم ماكولات بحرية مشهور) .
(10) - بقية الايام كانت روتينيه وما فيها شي مميز
(11) ليلة الجمعة نام السواق عندنا بالشقة عشان الرجل نومه ثقيل يعني لو راح البيت ما اظنه بيصحى
(12) يوم الجمعة وحن نجهز اغراضنا ويصلون المستأجرين الجدد عايلة سعوديين المهم خلينا لهم الصالة وقلمي ما عاد اخذته.
(13) طلعنا من الشقة ونكلم خوينا نبي نتغدى بالطريق ونروح المطار قال ابد تعالوا الغداء جاهز ونلاقيهم جايبين العدة من الرياض والكبسة جاهزة ونتغدى ونطلع للسيارة ونروح للمطار
(14) أي تذكرت العنوان اللي فوق
هلت ادموع السماء عند الوداع
وارسلت اغيومها شوق وحنين
وحنا رايحين للمطار امطرت السماء
(15) في الروحة اخدنا اكثر من ساعتين ونص وكان الطيار مروق ويمشي على مهله ما تجاوز 800 كلم
وفي الرجعة كان متحمس ووصل الى سرعة 1012 كلم واخدها بساعتين وكم دقيقة