يا ليت تفيدونا ( لاهننتم ) ،،
الموضوع شيق ،،

اولا حياج الله بالكويت
ثانيا بالنسبة للاحتفالات كثيرة بالكويت:
فرقة طيور الجنة للاطفال
حفلات غنائية
عروض سيرك
ندوات دينية
اناشيد دينية
عروض بارنى للاطفال
خصومات للمحلات
والكثير من المفاجئات
اى سؤال اخر انا حاضر

بيت الكويتى
الحفلات الغنئيه اخوي كيف اقدر احجز عليها وانا بالسعوديه انا ابغى بالتحديد الحفله حقت 4 فبراير يوم الجمعه القادم الي بصاله التزلج وانا بجي قبلها بيوم هل يمديني الحق احجز ولا احجز من الحين وهل فيه موقع اقدر احجز فيه بالفيزا

هل يوجد عرض مسرحيات ؟؟؟
اذا فيه بليزز عطونا السكجول
يعطيكم العافية

وانا وانا ابي اسأل بعد :$
.
.
هل فيه نشاط للشيخ محمد العوضي في هذي المناسبه؟
ارجو الرد

ابوشرق
حياك الله اخوي بالكويت ان شاء الله يمديك وتقدر تحجز وتستفسر من خلال الرقم التالي 009651822255
وتباع التذاكر في صالة التزلج ومجمع الافنيو ومجمع 360
وان شاء الله تتصل عليهم ويفيدونك

مالها حدود.
ان شاء الله بيكون في نشاط للشيخ محمد العوضي ونبلغك فيه ان شاء الله

اصول الله يعطيك العافيه على المساعدات
ان شاء الله ناوين نسافر الكويت بعد يومين
بس ابغى سكن مايكون غالي
ووين اماكن التمشيه
وعلى شان هلا فبراير وين تكون الاحتفالات
انا اول مره اروح الكويت ماعرف فيها اي شي
قريت الجدول حق الحفلات الغنائيه والدينيه والانشاديه هذي الحفلات وين مكانهاا
ووين المولات اللي تسوي خصومات واحتفالات عشان هلا فبراير
ومتى يبدا هلا فبراير له وقت معين ولا بدايه الشهر
وآآآسفه على كثرة اسالتي بتعبك معااي بس مالقيت احد اساله غيرك ياليت تساعديني
ويعطيك الف عافيه يارب

نايس
حياج الله اختي بالكويت وبتنورينا حبيبتي ,حبيبتي هلا فبراير ابتدأ توه ومستمر حتى 28 من هالشهر يعني حتى آخر فبراير
وبالنسبة للاماكن السياحية اللي ان شاء الله راح تعجبج عندج المدينة الترفيهية في منطقة الدوحة ومنتزه الشعب الترفيهي في الشعب والمركز العلمي بالاضافة الى المولات وكلها مسوية خصومات كبيرة بهالمناسبة سوق شرق في منطقة شرق ومجمع 360والافنيوز والمارينا مول والفنار وبالفروانية الحمرا مول والعربيد بلازا وفي فحيحيل مجمع اجيال والمنشر ومجمع الكوت ,وتقدرين تروحين للاسواق الشعبية مثل سوق المباركية شعبي وايونس واسواق منطقة الجهراء
والاحتفالات ان شاء الله بتكون في المولات وفي صالة التزلج بتكون الندوات الدينية والانشادية وكذلك الحفلات الغنائية
وبالنسبة للسكن ماقلتيلي حبيبتي اذا ودج بفنادق او شقق فندقية عشان نساعدج
وسامحيني على القصور وان شاء الله مانبخل عليج بشي وتمنى اكون افدتج مع اخواني واخواتي الكرام.