ياهلا فيك في ديرتك الثانيه الكويت وحياك الله ونتمني لك زياره سعيده
اولا
الكراون بلازا موجود في منطقة الفروانية ومنطقة الفروانيه لايوجد فيها فندق اخر غير كراون بلازا
ولكن كما تعلم الكويت كلها صغيره يعني اي فندق بالعاصمه او السالميه راح يكون قريب نسبيا لفندق كراون بلازا
انا انصحك بزيارة موضوع هواتف فنادق الكويت وراح اتلاقي تلفونات اغلب الفنادق والشقق الفندقيه ممكن اتكلمهم وتتعرف علي اسعارهم واتحجز عن طريق التلفون واتلاقي طلبك ان شاء الله
https://artravelers.com
اتمني ان تستفيد من هذا الموضوع واتمني ان تكون مشاركتي مفيده ورحله سعيده ان شاء الله

ياهلا فيك أخوي الكريم
واتشرف الكويت بحضورك
بالنسبة لسؤالك 00
منطقة الفروانية لا أنصحك بالسكن فيها مع أن كراون بلازا لاغبار عليه
فندق روعة
إسكن بالسالمية أقرب لك والعاصمة راح تكون أبعد عليك شوي
لكن مثل منت عارف الكويت صغيرة
ماراح تدوخ بالمشاوير
أتمنى إني أفدتك

اخوي kuwait2world مشكور وماقصرت واطلالتك على الموضوع كافيه وان شاء الله اني استفيد من الرابط اللي حطيته
بس سؤالي هو كم تبعد السالميه عن موقع فندق كروان بلازا
تحياتي لك

مشكور اخوي زااراا وماقصرت
تحياتي

معذره على التدخل
تبعد السالميه عن الفروانيه تقريبا 15 كم
أنصحك بالفندق الدولي بالسالميه رخيص نسبياً بحدود 25 دينار الليله
الفندق الدولي :
5, 5741788 , 5712129 , 5725310 , 5745544 : رقم الهاتف
9: رقم الفاكس
واذا لقيت معلومات حاضر ومن عيوني

اخوي ماكسيما مشكور وماقصرت ودام الدعوى 15 كيلو مافيه اي مشكله يعني حذفت عصى
تحياتي لك

اقرب فندق لكروان بلازا فو سفير المطار وسفير الرقعي
ملاحظة : فندق كروان بلازا هو بقرب المطار الدولي وبعيد عن مدينة الكويت والسالمية وحولي بصراحة فندق موقع تعبان

شكرا لك اخوي Kuwaity2
يعني على كلامك ماينفع اني اسكن بالسالميه وهل الفنادق اللي انت قلت قريبه بالمره وجيده.
تحياتي لك

فندق كراون بلازا يقع في منطقة الفروانية القريبه من المطار والفروانيه هي منطقة تجارية صغيره يوجد بها مجمعات تجارية كثيره وبنوك ومطاعم كثيره وشركات يعني تشبة الدمام بس صغيره ولكن تبعد ربع ساعة عن العاصمة وتقريبا 20 دقيقة عن السالمية اما فندق سفير المطار يبعد اقل من 5 دقائق فقط عن كراون بلازا وسفير الرقعي اقل من 10 دقائق