ناس من هلي هناك عايشين يقولون لي استراليا غاليه يعني تخيلي امحصلين سكن في شقه اجاره 50 الف والله ماابالغ .. نصيحه زودي في الميزانيه او روحوا مكان غير لان حتى تذكرتها للشخص على القطريه 7000 ريال .. شوفوا نفسكم

اختي بما ان ميزانيتكم مب قويه انصحج اتروحين النمسا بتحصلين فنادق اسعارها زينه وتناسبكم .. اما استراليا خليها لين اتكون ميزانيتكم قوويه لان بروحها التذاكر بتفلس فيكم .... ولكم القرار

تصحيح للمعلومه.. التذكره على القطريه الى استراليا على الدرجه السياحيه صارت 9000

الميزانية جدا قليلة على استراليا خصوصا وان اسعار التذاكر الايام هذي مرتفعة،، يعني 25 الف ريال هذي رح تكون قيمة التذاكر بس

saudiaussi
فعلا كلامك صحيح الميزانيه بس بتروح على التذاكر وخصوصا ان تذاكر استراليا نار وارتفعت عن العام .. والف شكر على التعقيب

من الممكن انك تجي استراليا ب25 الف لكن ماراح تستمتعون وتنبسطون لا من ناحية السكن او الروحات لان يا طويلة العمر والسلامة 25 الف ريال يساوي 6150 دولار وهي مبلغ بسيط كسياحة وتذاكر ..

الصراحة قليلة أنا موجود في استراليا الفاليات بروحه تكلف بحدود 12 لمدة 14 يوم تقريبا وغير التذاكر السفر و السكن. وشكرا

اشكر جميع الاعضاء اذين ساهموا في هذا الموضوع
واتسائل عن صاحبة الموضوع اين هي لا تشارك بالرد او الحوار
وعلى فكرة اختب بنت اوروبا استراليا ارخص من اوروبا واسعارها في السكن والمعيشة اقل في حدود من 25 - 30 % حاليا
العام الماضي كان اقل في حدود 45%
لكن الله يرحمنا ويفكنا من الدولار اللي نخن مرتبطين به في الخليج هذا سبب غلو استراليا لان الدولار نزل مما ادى الى نزول العملة الخليجية المرتبطة بالدولار فصار صرف الدولار 3.93 درهم والعام الماضي كان 2.75 وبعدها 3.10
الله المستعان
مع تحياتي

hml
يمكن كلامك يكون صحيح بس انا قلت هالكلام من اللي يقربون لي لانهم عايشين هناك ويقولون كل شي هناك غالي وحدي انصدمت لما عرفت ان اجار شقتهم 50 الف .. وغير ان اسعار الماركات عندهم دبل .. وعلى ميزانيتهم ماتكفي استراليا ممكن شرق اسيا
وصاحبة الموضوع مادري وينها احنا متحمسين ونكتب وهي شكلها ماتدري عن الموضوع