1. قوية دادي, مامي... لا تدققون :016:


2. المهم مالكم بالطويله (ترى كل ذا الموضوع علشان استخدم ذا الجمله)


3. انا فكرت اروح لاستراليا ونيوزيلند وسنغافورا.. هل الدول مناسبه ام لا؟؟


4. ====No e-mails please====

السلام عليكم ورحمة الله وبركاته
اخواني واخواتي.. قدر الله علي وخطبت بنت الحلال اللي اسأل الله ان يجعلها ممن تعينني على الطاعه والعبادة والراحه وكذلك اسأل الله ان يجعلني اعينها على الطاعه واخدمها وابسطها بقدر استطاعتي ..
ترى كل ذا الدعوات وانا توني خاطب يعني الى الحين ماملكت لاني لو املك على البنت كان صرت كذا
المهم ياخواني ولا يهونون خواتي.. تكفون داخل على الله ثم عليكم افزعوا لي... والله اني مسكين واكسر الخاطر واذا مارحمتوني فانا مستعد اصيح علشان تساعدوني
انا يالربع ولا يهونون الربعات ( اقول لا يكثر بس اخلص علينا)
انا ياجماعة الخير جاء موضوع زواجي خبط لزق على قولتهم (تقرب لقص ولصق حقت الوورد) :m9:
المهم انا كنت ناوي اعرس الصيف اللي بعد سنه ولكن فرحت الوالد والوالده يوم جيتهم وجلست اتلوى واتعفط عندهم من الحياء وقلت لهم: دادي, مامي.. ابغى اعرس :55654:

قوية دادي, مامي... لا تدققون :016:

المهم مالكم بالطويله (ترى كل ذا الموضوع علشان استخدم ذا الجمله)

الشاهد شفت الوالد والوالده مبسوطين وقلت ابغى اعرس ذا الصيف بناء على رغبتهم واسأل الله ان يجعل هذا سبب في توفيقي لاني سمعت كلامهم.. شفتوا ياشاطرين وياشاطرينات: لازم نسمع كلام ابهاتنا وامهاتنا علشان ربي يوفقنا.. :x1:
الله يحفظ امي وابوي وامهاتكم وابائكم والله يغفر ويرحم الميت منهم..
المهم موضوع زواجي لخبطني وانزنقت بقوه من ناحية ترتيب البيت واختيار الاثاث, لدرجة اني تلاقطت وتهاوشت مع خواتي علشان موضوع الاثاث :36_1_42:
المهم انا متبهذل في البيت من جهه وفي العمل وموعد الاجازه من جهه وفي ترتيب السفر من جهه.. يعني متلخبط بقوه :36_6_1:
فقلت ليش ماادخل موقع المسافرون العرب وبإذن الله الشباب والشبابات بيساعدوني..
مايستفاد من السالوفه:
1- اسمعوه كلام اهلكم علشان ربي يوفقكم :36_3_11:
2- لا تقول لاهلك ابتزوج الا وانت ققدها علشان ماتبلش مثلي :36_6_6:
3- اللي يبغى يتزوج يخطب بنت ( لا ياشيخ) :36_9_2:
4- تكفون افزعوا لي

انا فكرت اروح لاستراليا ونيوزيلند وسنغافورا.. هل الدول مناسبه ام لا؟؟

انا قلت سنغافورا اجلس فيها يومين او ثلاثه وانا رايح او وانا جاي لانها غاليه على حد علمي بس يمدحونها بقوه
ابغى خطه رحله متكامله ( الخطوط, السكن, المدن, عدد الايام المناسبه في كل مدينه, الاسواق, المناطق الجميله, المطاعم الحلال, السواقين او طريقة التنقل, المبلغ التقريبي للرحله كامله تشمل كل شي, الفيز المطلوبه ومن وين اطلعها... اي شي يخطر على البال)
الرحله تشمل يومين او ثلاثه في مكه في العوده بإذن الله..
انا لي عدد ايام اجازه من يوم الى شهر
ابغى عدد الايام المناسب اللي يبسطنا بدون تبذير مبالغ فيه وبدون ملل
تكفون ساعدوني الله يرحم والديكم واللي يبغى يسوي لي خطه مقابل مبلغ مالي فانا والله مستعد لاني والله مشغول في البيت والتعديلات وماني فاضي اجلس احوس وادور مكاتب السفر والسياحه لانهم بيدوخوني
ملكتي بإذن الله بعد اسبوعين تقريبا من الاختبارات حقت الثانويه العامه
ورحلتي بإذن الله في اول اغسطس او في نصفه تقريبا يعني على نهاية الاجازه (هل التوقيت مناسب)
تكفون افزعوا لي وماللي الا الله ثم ذا الوجيه الطيبه :suprise: ينفع بكم
اللي يبغى يسوي لي خطه بمقابل مالي فيراسلني على ذا الايميل بس تكون خطه سفر محبوكه ومتكامله

====No e-mails please====

اعرف ان البعض بيتضايق لاني قلت سوو لي خطه بمقابل مبلغ مالي لكن والله من البهذله اللي شفتها واللي ماازال اعاني منها الى الان.. والا من الاساس عارف انكم عيال حمايل وتبغون الاجر ولكن يمكن احد يكون مزنوق ذا اليومين فيفيدني وافيده
:smile001: