حياك الله يا صاحبي
وليه ماتصلح .. الا تصلح و نص
.. خصوصا بينانغ كما وصفلي اياها بعض من سبقونا اليها .. و انا بعد 4 ايام مسافر لماليزيا انا و 2 من الشباب .. نغير جو الرياض شوي و نرجع بنفَس جديد .. بعيدا عن ماحرم الله خصوصا بعد هالشهر الفضيل !
اذا رحلة شباب حاولو ماتكثرون أيام في لنكاوي لانها هادية و مودها رومانتيك
بالنسبة للتكلفة .. بدون الطيران لانه مختلفه اسعاره .. حسبناها و تكتكناها و مع الفنادق صارت الميزانية مبدئيا 12 ألف ريال .. طبعا الفنادق 4 نجوم و مش بطَاله .. و فيه أقل منها و نظيفة و تصلح لشباب !
و يفضل تحجز طيران مبكر حتى لو ماعزمت 100 % و اذا كنسلتو الرحله تقدر تسترجع دريهماتك بخصم بسيط .. عشان ماتتورط بأسعار مرتفعه قبل ماتسافر بشهر او شهرين .. و انصحك بالخطوط السيرلانكية او الماليزية .. يمدحونها و ابعد عن حواق خطوطنا !
و اتمنى لك التوفيق

نبي شباب ومتحمس راعي مغامرات قدام قدام
شف توقيعي في رحلة التجديف في لنكاوي وفي ركوب السيكل وفي المشي في الغابة وفي دخول الكهب
وفي كثير بماليزيا عزم وشف الامور

تصلح ونص وانا فى ماليزيا لحالى. كمان ما معى شباب وانا بالانتظار تعالوا وانا اوجهكم بس الحقوني قبل ارجع السعودية لانى راجع يوم 4 سبتمبر
بينانق رهيبه وفيها كل تسالى البحر من دبابات بحريه وبرشوتات وجزر واستكشاف ونقاهه وتبدح قدام الشاطئ النظيف

الدعم الفني
ههه وش ذا الاسم الله يهديك .. لا يبوي خلاص هونا محنا بجايين اخاف نجيك ونبتلش بك وتستشر علينا
وتعجبني والله انك كفو .. اجل انت مع نفسك .. قسم بالله انك فله يعجبني الي يسلي نفسه بنفسه ولا يحتاج لأحد .. واصل يابطل

طيب ياشباب انا الحين عرفت انها بلد شبابيه وتصلح لنا من ردودكم بيض الله وجيهكم
نجي الحين للميزانيه المقدره للشخص لمدة 10 ايام تقريبا ... كم بتكلف السفره للشخص الواحد من غير التذكر طبعاً ؟
يعني كيف يكون مخطط الرحله والفنادق الي تنصحونا بالسكن فيها واسعرها ... واسعار المواصلات ... واسعار المطاعم والطلعات
يعني ياليت لو تقولون لي كم يوم ناخذ في كوالا لمبور وكم اسعار الفنادق والمطاعم والطلعات حقتها ... نفس الشي مع بينينغ وباقي المناطق

والله المصاريف انت تحددها مو حنا لان مثلا فى شارع العرب فيه فندق نجمتين ب 140 ريال لليله وفيه الماريوت ب 480 لليله. كمان فيه مطاعم يكون سعر الفرد فيها توصل لل30 رنقت ماليزي وفيه مكدونالدز وكنتاكي توصل 10 رنقت غير المقاهي والتنقلات فيه القطار وفيه التاكسي وتختلف الاسعار على حسب المكان اللى تروح له انت حدد وش تبي بالضبط وكم حدود ميزانيتك والشباب ما يقصرون فى الحجوزات لانى انا عندى شقه وما اروح للفنادق كثير وعندى اصحاب يدرسون هنا ومعهم سيارات ولا استخدم المواصلات كثير
على فكره اسمي رومنسي كثير بس انت وش فهمك فى الرومنتك
ترانى الان جالس فى مقهى فى شارع العرب جنب سوق بافليون وارد عليك من الاي باد وانا اشرب كابتشينو

بالله اطلب لي جايك بعد بكرة ان شاء الله

الف على الثلاثه كلكم والا على الشخص

busy1
وتحاسبني فى الكابتشينو. والا شغل استلطاخ ههه
ابشر بسعدك انا جالس على اخر طاوله وتونى طلبت شدانجلش بريك فاست تي مع مويه معدنيه ومستمتع بالجو
لا تتاخر.