السلام عليكم ورحمة الله وبركاته
أسعد الله أوقاتكم بكل خير
أخواني الأعضاء
سؤال: ونريد الجواب عليه بكل صراحة
لأن خطأي قد تتجنبه أنت وتكون على حذر منه
بالنسبة لي قد نصب علي
من الشايب بالطائرة والقصة كاملة ومفصله على
هذا الرابط
https://artravelers.com/p/re/162392
ومره بعد ان ذهبت للفلبين للأستقدام
طبعا معي التأشيرات
قلت للمكتب أقابل العمال أول
وقابلتهم واخترتهم بنفسي وقال صاحب المكتب او الوسيط اللي بيني وبين المكتب
قال خلاص ازهل الموضوع سافر والباقي عندي
ومن يوم سافرت صار يتضرب بي ويطلب حوالات بحجة انهاء الاجراءات والفحص ومكتب العمل
ومره دخلو السفارة ومره مالحقت على السفارة ومره زوجتي تعبانه
ومره هو تعبان ومره ولد خال الجيران بيتزوج ومره عنده ضيوف بالبيت
قلت تكفى ياحاتم الطائي البيسو مايطلع الا بمزيل الصدأ
وصار يتضرب حتى اخذ مني مبلغ محترم
وبالأخير سكر جواله ولايرد لمدة عشرين يوم
وبعد السؤال عنه
أثر الرجال رايح شهر عسل جديد مع زوجته الفلبينية
على حساب أبو حميد
وبالعافيه وبعد التخطيط مسكه صاحب مكتب واخذ التأشيرات منه وسامحته على الفلوس اللي اخذها
رغم اني اقدر اشكيه بالسفارة ويوقف مكتبه أو المكتب الي كان يتعامل معه
بالنهايه ومنذ ذلك العام عام 2002 م وأنا اتعامل مع المكتب الجديد دون أي مشاكل
أخواني ذكرت لكم قصتي حتى لايقع فيها أحد بعدي
أنت أخي العضو هل تعرضت لمثل هذا الموقف او مشابه له ووقعت فيه أو نجوت منه
ياليت يتم ذكر المواقف ليحتاط غيرنا
تحياتي للجميع