حياك الله اخوي
اخوي انا رحتلها قبل رمضان وكانت برضه اول رحله لي ... المهم سكنا في منطقة مكاتي وهذا أنصح فيه بشده لأن المناطق الثانيه ماتصلح ...
المهم فيه شارع اسمه برقص ... هذا فيه فنادق كثيره .. وأنا سكنت في فندق إكسفورد وكنا مآخذين الغرفه ب 45 دولار ..وجلست في الفندق اسبوعين وكان جديد ونظيف ... لكن لو حبيت فيه شقق ارخص ..
لكن تدري شلون فيه أخونا مكاتي بوي هو راعي ديره وأن شاءالله راح يخبرك ... وبعد اخونا farbf راح يفيدك ....
ولو ماصار ان شاءالله بكون معك بالخط الساخن
تحية وتقدير

مشكور ياماس ( يا رجال ) ;)
وانتظر ردود الشباب المحترفين بالفلبين
وبالنسبة لسعر الفندق الي قلت عنه هو سعره اوكية وان كنت انا اتمنى القى شي ارخص لاني فعلا مطول وبصراحة اتمنى اسافر وارجع ما احس اني صرفت واجد قعيطي بقوه

هلا أخوي فهد بالنسبة للبلد لي موضوع متكامل عن البلد ممكن تتطلع عليه على ها الرابط
https://artravelers.com
لعلك تستفيد منه
وأما من ناحية الفنادق فلديك 5 نجوم وهي للأسف غالية جدا
أما الأربع نجوم فتختلف وأنصحك بالحجز من بلدك
أما المواقع فكما قال أخي يا ماس مقاتي ممتازه جدا وهي من أرقى المناطق أما الأخرى وهي إرميتا فهي نسبيا رخيصه ومن ضمن فنادقها إكسيكيتف بلازا 4 نجوم حوالي 34 دولار نظيف وممتاز والموقع لك عليه شوي شارع مبيني
والبقيه مقاربة للسعر حسب الموقع والخدمة
وتحياتي

مشكور اخوي فاربي
بس والله خوفتي يوم قلت الشارع لك عليه اخاف بس ماله داعي ولا بعيد عن اماكن الترفيه
اما الرابط هذا حق خطط سفرتك للفلبين فانا قريته مرتين بالتفصيل
لا تخاف حويط
بس ابي فندق عشان اسوي معه حجز من الحين

أخوي فهد الشارع لك عليه يعني في النظافة الازعاج أما الخدمات كلها حولك بالعكس المنطقة تعتبر سنتر البلد " مثل البطحاء في الرياض " أما الفنادق فأنا في الحقية ما سكنت إلا في هذا الفندق ولكن للمعلمومية أنا قارنت بين أسعارهم وأسعار الفنادق عندنا في المكاتب ووجدت فرق كبير " الهوليدي إن في مكاتب الرياض 60 دولار ، من نفس الفندق 100 دولار " أما الفنادق 4 نجوم فهي كثر التراب ولا تخاف سعرها من 30 إلى 45 دولار فقط في الغالب
وانا تحت الخدمة في استفسار

مشكور اخوي على المساعدة الجميلة منك
واتمنى فعلا القى فنادق ارخص وبخدمات جيدة والي عادة يكون عند الفنادق الجديدة

اخوي فهد .... عنديلك فندق رخيص ... وأسمه سانشري سيتادل إن وهو في منطقة مكاتي وأعتقد فيه أثنين اوثلاثه منه ... وكانت قيمته ب 55 $ شقة فندقية غرفتين ...
شوف هذا الرابط http://www.philippineshoteltravel.com/manila_hotels/citadel.htm
وبرضه فيه فندق سيتي قاردن لقينا عليه عرض حلو من عند المطار بس ما اخذناه لأننا ماتوصينا فيه لكن تحسفنا ... شوفه في هذا الرابط http://www.philippineshoteltravel.com/manila_hotels/city_garden.htm
وبالنسبه للخوف وخلافه أبد نم وأتطمن الديره امن وأمان .. بس على ماقلنالك خلك في مكاتي أحسن شي ... وصدقني رحت وجلست اسبوعين مريت منطقة مابيني بس مره وحده مالي حاجه فيها ..
أتمنى اني أفدك ...
تحية وتقدير

هلا والله فيك اخوي فهد ................
الفلبين بلاد الفنادق بس انت تختار...........
لكن عليك اولا بمنطقة مكاتي كما ذكرو الشباب ................
حيث انها انظف منطقه ..............
انا اشير عليك في فندق ستي قاردن ... ومثل ما قال الاخ ya-mas فندق محترم
وأسال مجرب حيث سبق لي السكن فيه ورخيص نسبيا (( 1900 )) بيسو
اي حوالي (140) ريال سعودي طبع السعر شامل الضريبه ...
مع تمنياتي لك برحله سعيده .............................
وانا تحت الخدمه في اي استفسار يا اخ فهد والله يوفق الجميع ..

مشكورين والله يا اخوان على الاضافات الجميلة ومشكور اخوي ياماس عىل الرابطين الخاصة بالفنادق لكن فندق ستي قاردن اكيد يكسب ;)
ومشكور اخوي سامي وانت اكدت عىالسيتي قاردن وشكلنا بنتم عليه وان كنت بهاليومين طرى علي طاري اني ما اقعد بالفلبين وقت طويل واخليها ترانزيت لتايلاند ولا اروح تايلاند مرة وحدة واريح راسي بصراحة اسمع عنها شغلات تاخذ العقل ولكن يبقى الفلبين لها وضع خاص بجدول الرحلة
مشكورين ويعطيكم الف عافية