وعليكم السلام ورحمة الله وبركاتة ،،،
مراحب اخوي مجرد مسافر .
انا سافرت العام ومعي صديق ، وش اقول لك كرهت ماليزيا من كثرة هالعوائل لا والاكثر من كذا لما يشوفونك العوائل يقعدوا يتغامزوا ويتنابزو ( يوة سعوديين يوة وش جابهم هنا و) حقيقة تنصدم وحنا ما نبيهم الا هم اللي غاثينا في كل مكان.
لكن بعد ما صار لنا هالشيء في اول يومين قلنا وش علينا منهم حنا في حالنا وهم في حالهم ، لكن لا زالت النظرة السوداوية من قبل العوائل الخليجية في ماليزيا تجاة كل عزابي متفشية .
سافر ولا احد يهمك .

السلام عليكم
أخوي مجرد مسافر
أنا سافرت الصيف الماضي بدون عائلة أو صديق واستمتعت بصحبة سائقي التاكسي
ولكن.....................
أفضّل أنك تسافر على الأقل مع صديق فسوف يزيد السفر متعة وبهجة ...
وماليزيا تصلح للعزاب الذين يهوون الأنشطة البحرية والطبيعة والتسوق
رحلة سعيدة

يا اهلا بأخي مجرد مسافر...
انا احترم نظرة اخي القلب الكبير..
لكن انا سافرت عزابي وانا متزوج وسفرتي عام 2002
وكانت سفرة العزابيه من اروع ما يكون لاشك السفره مع العائله جيده
لكن انا انظر ان السفر لى ماليزيا عزابيه افضل من العائله بنسبه قليله ليش ؟؟؟
ماليزيا في جزر ورحلات بحريه ومغامرات وركوب العاب مائيه مثل صن واي. ومثل خذه الاماكن ما تصلح للعائله والمواقع كثيره تصلح للعائله وبصراحه ماليزيا مغامرات.
ولا تطوفك الذهاب اليها.
وبأختصار ماليزيا للكل عزابي عائله كل حاقه.
وتقبل تحياتي

صراحة سواء كنت رايح مع شباب أو مع العائلة .. لا تروح في الصيف وقت الزحمة .. أفضلك يا تروح الحين أو تستنى الاجازة في دول الخليج تخلص ...
و أنا كنت أشوف شباب عزاب الموضوع عادي ما فيها شي ...

ياأخي مجرد مسافر
ماليزيا صراحة دولة حلوة وخاصة للعوائل...أما بالنسبة للشباب حبوا ماليزيا من مناظرها الطبيعية وينبسطوا فيها لانهم ما بيطولوا الجلوس فيها هذا أحسن شيء إنك تسويها..لا تطول الجلوس في ماليزيا 10 أيام كافية..
وما عليك إنت من كلام الناس.. كلام الناس لا يقدم ولا يؤخر..
انت جي تنبسط وما عليك بغيرك.. بصراحة حسن ألإختيار..

تصدقون كلامكم خوفني انا كنت ماني جايب خبرهم لكن كلامكم غير رايي الى الدرجة هذي العزابي مسكين
والله حاله طيب ليش اوروبا عادية للعزاب
ايش تفرق عن ماليزيا

اخوي مجرد مسافر
بالعكس ماليزيا في رأي للعزاب افضل من العوائل لانك تمارس جميع هوايتك من السباحة في الشلالات والبحر وركوب الدبابات البحريه والبرشوت وغيرها وان سبق لي زيارة ماليزيا عام 2002 ومعي شخصين صراحةً من افضل البلدان التي زرتها ، ( بس لاتزيد مدة البرنامج عن 12 يوم وضف إليها 14 يوم في اندونيسيا ) صراحه متعه
توزيع البرنامج في مايزيا اول يوم في كوالالمبور وبعدين اطلع لبينانج لمدة اربع ليالي على باصات شركة nice سعر التذكرة 50 ريال وبعدين ارجع كاميرون هاي لاند يوم واحد واختم باقي البرنامج في كوالالمبور حيث يوجد العديد من الاسواق العالمية ودور السينما وغيرها من مثل برج المنارة وبرج بتروناس ومدينة ملاهي صن واي لاقون وكذلك بإمكانك اخذ تاكسي بالساعه ( سعر الساعه 20 ريال ) يلف بك كوالالمبور وستستفيد من زيارة برج المنارة لآنك ستطلع على معالم المدينة وتحديد برامج زياره على كيفك .
ولا انصحك بزيارة جزيرة لنكاوي لانه فعلاً عائلية او رومانسيه يعني ما تنفع تروح انت وخويك تقابلون بعض هناك تفرجون على العرسان .
وبالنسبة لخط السير اطلع من بلدك الى كوالالمبور واقضى فيها مدة البرنامج ثم اطلع لإندونيسيا على طيران الاسد طيران ممتاز ورخيص سعر التذكرة من جاكرتا الى كوالالمبور 80 دولار ز
واتمنالك التوفيق في رحلك

ماليزيا بلد رائع سواء للعايله او للعزاب من اجمل البلدان اللي شفتها بالعالم
لكن للعزاب لو يروحوا لها في بدايه الصيف او نهايه الصيف في وقت تكون الزحمه قليله بيكون لرحله طعم خاص لان العوائل هم اللي يغثونك مو انت اللي تغثهم
شوكورن

فعلا العزابي مسكين حتى السعودية يشغلون ويطالعونك العوايل حتى اللي توه متزوج وفرحان بحرمته حتى لو هي جيكره يظن اي شاب يقابله يقعد يطالع زوجته وهو يعتقد هالشي ويسيء الظن لانه حياته قبل الزواج كانت كلها غزل وقلة حياء
فعلا سحقا لمن هذه صفاته وتبا له من حقير