vbmad
28-01-2022 - 09:04 am
السلام عليكم
يا جماعة أنا مليت من كثر المعلومات اللي عن الصين
احتاج معلومات عن السعودية وطريقة الشحن
يعني أنا الآن أبغى أطلع الصين لكن أنا ماعندي مؤسسة أو ماشابه
فهل أقدر أطلع الصين وأشحن لي بضاعة إلى ميناء الدمام لو لازم يكون عندي ترخيص؟؟؟؟
اذا لازم تكفوا ياشباب تعلموني كيف هذا الترخيص وكيف رسومه وكيفية استخراجه والمتطبات وكم ياخذ من وقت......؟؟؟
مشكورين مقدما
اذا كان أثاث منزلي او شي بسيط استخدام شخصي مثل بعض الأجهزه المنزليه ما اعتقد انها تحتاج شي غير الاوراق اللي من المصنع في الصين.
أما إذا كانت بضائع تجارية فيلزمك غير الاوراق اللي من الصين اللي هي (شهادة المنشأ) والفواتير.
يلزمك استخراج سجل تجاري موضح فيه استيراد البضائع اللي انت جايبها واشتراك في الغرفة التجارية ساري المفعول.
واستخراج هذي الأوراق ياخذ وقت بسيط اسبوع تقريباً وتكلفتها ما يقارب 3000 ريال ويلزمك مقر للمؤسسة اللي بتطلع عليها السجل التجاري يعني أجار سنوي وما يتبعه من تكاليف.
أما اذا كنت ترغب بإستخراجها بدون مقر للمؤسسة فهناك طرق عديدة للمعقبين لإستخراجها بدون مقر ولكن ياخذون تقريبا 1000 ريال زيادة في الاتعاب.
يعني تقريبا راح يكلفك الموضوع 4000 آلاف ريال.
واذا انت في الرياض واحتجت اي خدمه لإستخراج السجل انا جاهز ياخوي بس بلغني.
تحياتي
اخوك/ العاطفي