تروحين وترجعين بسلامه
ماشاءالله تكفي وتزيد لكن على حسب التشري واقدر اقول لو انتي بالأمارات وعلى حسب العمله عندكم
اذا كان عندك 4000دولار وتبين تصرفينهم لمدة اسبوع راح يكون مصروفك باليوم 570دولار يعني 1800درهم يوميا
انتي الحين عرفتي
وجذي تقدرين تنسقين مصروف السفرة
اتمنالك سفرة سعيدة فى شتاء لبنان الحبيبة

تكفي كمصروف اكيد بس مشتريات هذا شي راجعلك
عموما لبنان انا اشوفها معدل الصرف فيها 300 دولار باليوم جيدة لمدة 5 ايام

تتسوقين في بيروت !!!
صدقيني الأسواق في دبي احسن بكثير وافضل ماركات لبنان للتمشي وتغير جوي أما اسواق ما انصحك فيها ابد ...

مشكورين اخواني على ردودكم
يعني أن شاء الله تكفي وشي اكيد مب كل يوم بنتسوق بنفس المستوى

اكيد تكفي
وانصحك لا تشرين إلا الاشياء المميزه
لان عندهم اشياء مثل اللي عندنا

الأخوان ما قصروا بالتوفيق ان شاء الله

بنت الشيخ زايد
تروحي وتجي بالسلامه
0دولار كثيره في لبنان مثل ماقال بردينوا 300 في اليوم وخاصه السكن مؤمن
وكثير من المطاعم والكزينوهات تغلق في الشتاء لأنها تفتح فقط 3 شهور بالصيف حسب علمي
علمآ بأن الملابس النسائيه بأنواعها في الامارات أفضل وأرخص بكثير
ورحله موفقه

اتفق مع راي الاخوان والاخوات
في دبي التسوق رائع ...
لبنان انا اشعر اللي يحب يتسوق فيها يتسوق منتجاتها
مثل الاعشاب ...الحلويات الفضيات والاواني
كذلك الخلطات الجبلية المختلفة (ماء الزعتر - اكليل الجبل - اللافاندر)
وعلى فكرة بتحصلين في بوحمدون محلات كثيرة تبيع المنتجات هذي وعلى مدخل عالية كذلك
واهديك صور لكليل الجبل واللافاندر من تصويري هذا الصيف وكلها من منطقة (حمانا ) فوق بوحمدون بشوي

وارتشفي القهوة اللبنانية

وانصحك تمرين محل الحرف التقليدية (أرتيزانا) قرب الكورنيش، وفي شارع كليمنصو قرب سنتر الجفينور متجر حرفي خاص
واعتقد له فروع كثيرة اسالي اي احد في لبنان عشان يفيدكم

مشكورين وماقصرت كلكم
قررت اني ما اشتري ملابس من لبنان مشاء الله مولات دبي فيها اشياءايد
اذا في بوحمدون محلات الاعشاب والحلويات والمكسات فهذا المطلوب
الف شكر لك وماقصرتو الله