السلام عليكم و رحمة الله و بركاته
اهلين اخواني
انا واحد قاعد على البعثات هذي لامريكا من ايام الاجازه الصيفيه الكبيره الاخيره
يعني من بداية السنه الدراسيه تقريبا
و الحمدلله على كل شي ... توني لا زلت بالمملكه ... عاطل ماعندي شي ...
كنت مسجل في جامعه عندنا بالهفوف ( جامعة الملك فيصل ) ... لكن ما كملت فيها لان ودي اروح لامريكا ادرس هناك افضل .. مع البعثات طبعا ...
و اقولكم الضمان جاني من اول السنه ... و رحت و جاني (( اول )) قبول من الجامعه ..
ف رحت للوزاره عشان يعطوني خطاب توصيه للسفاره ..... ايام الدكتور عبدالعزيز الحسيني ..
اللي كان يوقّع على الآي تونتي و نودي نسخه منه للاستاذ زامل العثمان بادارة البعثات ... و ينزله لي على اسمي بالبعثات بموقع الوزاره ...
و قال بعد يومين ينزل لك خطاب السفاره على اسمك بالموقع .... فقط ادخل هناك واكتب رقمك نموذجك والرقم السري و طلع الخطاب ..
مرت الايام والشهور وانا احاول اطلع الفيزا من السفاره الامريكيه ...
والحمدلله على كل شي .... حصلت موعد لكنه بعد بدء دراستي بشهر ....
راح الموعد علي .... و خذت قبول جديد (( ثاني )) ..
و قعدت احاول احجز لي موعد آخر بالسفاره ... وكانت تلك الايام ايام رمضان و عيد الفطر المبارك ..
ف كانت السفاره اغلب الوقت مقفله اعتقد وما يردون او كله مشغول ...
المهم .... قرّب موعد بدء دراستي بالقبول الثاني .. وما حصلت موعد مع السفاره ..
مر موعد بدء دراستي ى(( الثاني )) .... وما حصلت موعد مع السفاره ....
و جبت قبول (( ثالث )) من الجامعه ... و حاولت احجز لي موعد بالسفاره ...
و الحمدلله ... حصلت موعد في فبراير ....
في ذاك الوقت ... تذكرت خطاب السفاره اللي بحسابي بموقع الوزاره ..
دخلت ... ولم اجد غير الضمان المالي الذي يمكنني طباعته ...
وين الخطاب ؟ مو قالو لي كلها يومين و يحطونه ؟ مرت شهور وما حطوه ؟ وش حاصل ؟
و اروح للوزاره .... واقولهم يا جماعه انا جيت في ذاك الوقت و طلبت خطاب توصيه ... و قلتوا بتنزلوه على حسابي بالموقع .... وينه ؟ ما لقيته !!
قالو عطنا رقم نموذجك ونتاكد من عندنا ...... و تاكدوا و فعلا لم يكن موجود في حسابي ...
طيب كيف ؟ انا مو عطيتكم نسخه من الاي تونتي و فيها توصيه وانتو بس تضبطونها وتحطونها بالموقع وانا بكذا ينزل لي خطاب التوصيه ؟ ولا ايش ؟
قالو خطاب التوصيه كان عند الدكتور عبدالعزيز الحسيني ... لكن الحين عند الدكتور آل شيخ ..
طيب مو مشكله ... انا عندي نسخه من الاي تونتي اللي فيه توصيه من ادارة البعثات القديمه ...
و وريتهم .... عشان اثبت لهم اني طلبت خطاب توصيه من قبل ...
و اكتشفو ان الخطا كان من الموظف بالوزاره ... بانه ما وضع بياناتي المختصه بخطاب التوصيه ... في حسابي بموقع الوزاره ..
اعتذروا و قالوا اوكي لا تخاف ... بنطلع لك خطاب التوصيه و آسفين غلط منا ..
>>> واصلا زين مني اني جبت نسخه من الاي تونتي اللي فيه توصيه ولا ما صدقوني ولا طلعوا لي خطاب التوصيه .... الحمدلله ... يعني كان عندي دليل على اني كنت طال هذا الخطاب من قبل
قالو اوكي ... و عطوني خطاب توصيه للسفاره ( يدوي ) ..
و رحت للسفاره ... والحمدلله حصلت على الفيزا بعد 11 يوم من موعدي معهم ...
و فرحت فرحه ما بعدها فرحه .... الحمدلله .. والشكر لله .... اصعب شي صار عندي ...
الفيزا و خذتها الحمدلله .... خلاص ارتحت و ارتاح قلبي ...
~~~
رحت للوزاره ابغى قرار الابتعاث ... عطيتهم اوراقي
وزقعت على نموذج القرار ... وريتهم الفيزا والاوراق المطلوبه ...
لكن .....
سالوني ... ( هل خطاب التوصيه اللي عندك ... يدوي ؟ ) ...
قلت لهم ايه يدوي ... so what ? .... !!!!!!!!
قالو اعذرنا .... ما نقدر نطلع لك قرار البعثه اللي بالبرنامج القادم .. !!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
ايش ؟ البررنامج القادم ؟ و متى هذا البرنامج القادم ؟
قالوا في بداية ربيع الثاني ..
!!! -__- !!!
ايش ؟
بعد شهرين ؟ انتو من جدكم ؟
انا موعد دراستي في 18 مايو ...
كيف يعني ؟
قالوا مو مشكله .... أجّل موعدك ...
قلت .... حرام عليكم من اول السنه احاول باوراقي من وزاره لسفاره .... و 3 مرات جاني القبول ... و آخرتها تضيعون علي سنه كامله على فاضي ؟
قالوا ما نقدر نسوي لك شي ... انت خطابك يدوي ومو بالسستم ...
قلت لهم انا اصلا المفروض خطابي يطلع من زمان ومو يدوي ... بس المشكله و الخطا كان من الموظف عندكم ..
قالو عادي .. اخطاء و تحصل ..
قلت يعني انا اللي اتحمل اخطاءكم و اضيّع سنه من عمري على فاضي ؟ ليه طيب ؟ وش هالظلم !
والله يا جماعه كثير ناس كنت اعرفهم ... يسالوني ايام طلعت الضمان باول السنه و يقولون :
:" نسمع عن شي اسمه بعثات امريكا ... جد ؟ "
و رحت اقولهم و افهمهم عن هالبعثات و كيف التسجيل فيها و كذا ....
و سبحان الله .... انا بادي قبلهم .... للحين جالس بالسعوديه .... والحين هم لهم تقريبا 3 شهور بامريكا ..
الاله يوفقهم و يوفق جميع المسلمين ..
لا اعتراض على قدر الله ... هذا نصيب و مكتوب .....
~
بالعربي
انا خالصه اموري
وموعد بدء دراستي في 18 مايو ..
ومو ناقصني غير قرار ابتعاث
ومو راضين يطلعونه لي ...
هالحين وش اسوي انا ؟
انا كنت بجامعه و طلعت منها و سحبت اوراقي عشان اسلم الوزاره شهادتي الاصليه ..
الحين انا عاطل ماعندي شي ....
وش اسوي ؟
هل تعتقدون اني بلحق على موعدي هذا في 18 مايو ؟
و هل ان قرار الابتعاث بيجيني قبل هالتاريخ ؟ و هل اقدر اكمل اموري بعد قرار الابتعاث والحق على الدراسه في 18 مايو ؟
او اني اطلب من الجامعه بهيوستن يعطوني موعد بدء دراسه جديد و قبول جديد ؟
و هل اني اذا جاني قبول جديد ارجع للسفاره ؟ خصوصا انهم حطوا ظرف في جوازي فيه اعتقد الاي تونتي ... وطبعا الظرف ما فتحته ...
علما باني اذا بطلب قبول جديد .... بيكون من نفس الجامعه والمعهد اللي جاني منها 3 مرات قبول من قبل ..
~
وانا سمعت انه لازم على اللي ما ضبطت امورهم هالسنه .... انهم يسجلون مره اخرى بالوزاره ..
هل هذا الكلام صحيح ؟
~
و اعذروني على الاطلاله ...
بس والله عانيت عانيت كثير و تعبت ..
و جزاكم الله كل خير .. واتمنى منكم النصايح المفيده لي يا اخوان ..
و شوركم و هداية الله ...
~~
ملاحظه صغيره : ( الوزاره يقولون انها تسهل امور الطلاب بس السفار صعبه شوي ..... )
لكن الحقيقه .... : ( ان الوزاره جزاها الله كل خير ... هي كل البلا للاسف الشديد ..... ) ..
~
بانتظاركم