لا مشكله ولا شيء انت اكيد مترجم الشهادة يعني روح وترجمها مره ثانيه بس خلهم يكتبون الاسم نفس ماهو في الجواز وبس .

amoot_b3eonk .... شكراًعلى ردك الفاضل ...
اما الشهادة فهي بكالوريوس ومترجمة منها وفيها .... يعني ما اقدر اغير فيها .

اخوي راصد ما راح افتيك بالموضوع بس لو انا مكانك اول شي اسويه
ارسل للجامعة واذكر لهم المشكلة هذي وعلى ردهم اتخذ الاجراءات اللازمه
فلو قالو لك مشكلة، راجع العماده بالجامعه (على ما اظن هي جامعة الملك سعود) وقل لهم المشكلة ويصدرولك وحدة ثانية ،اتوقع مقابل مبلغ مالي،ونفس الشي مع السجل الاكاديمي
تحياتي لك وبالتوفيق

لا لا لا تخاطب الجامعه فى أمريكا .. مالهم دخل و راح تحرج نفسك و بعدين ما يفهمون هالإمور ... صلح الوضع مع جامعتك عشان المشكله من عندهم ... من وين جابو الإسم إذا مو زي اللى فى الجواز ؟

اقترح انك تروح للجوازات وتطلب تجديد لجوازك وفي الاستماره حقت الجوازات اكتب نفس الاسم الموجود في وثيقة التخرج.. انا مجدد جوازي وباقي له سنه ونص عشان تنتهي مدته .. واذا سألوك اصرف لهم اي عذر ولو عندك واسطه في الجوازات يكون احسن (انا رحت بدون واسطه ولا شي).. والله يسهل امورك.. واعتقد انك لو تسوي كذا راح تدعي لي

وبالنسبه للوزاره تروح لمركز الحاسب ويغيرون اسمك في الموقع اللي عبيت النموذج حق الابتعاث منه وتطلب منهم تعديل الضمان المالي الصادر لك .. والله يسهل امورك

على قولة بنت الصقور ،،
لا لا لا تخاطب الجامعه فى أمريكا .. مالهم دخل و راح تحرج نفسك و بعدين ما يفهمون هالإمور ... صلح الوضع مع جامعتك عشان المشكله من عندهم ...
ومن وين جابو الإسم إذا مو زي اللى فى الجواز ؟ ( مشيها لا تدققين واجد )
لازم أخوي تراجع الجامعة وتغير الاسم الى نفس الاسم اللي في الجواز لحل هذه المشكلة وتفادي المشاكل مستقبلا ،،
وصورة مع التحية للجوازات ( اللي يترجمون الأسماء من روؤسهم )
وتحياتي ،،

شباب والله ماقصرتوا :x1: ..... ماقول الا ان الله يوفقكم ...
بصراحة اليوم طبيت على واحد أعرفه في الجوازات وقلتله بللي صار ... المهم عدلي اسمي واسم الوالد
واعطاني الجواز الجديد على طول .... حوال ساعة ونصف تقريباً.
اشكركم على ردودكم ..... ووفقتم الى الخير دائماً ،،،،،
تقبلوا ارق التحايا .