الف شكر لك يا غالى
ويعطيك العافيه

والله مانصحك بالباصات بالذات بالصيف والله تكره نفسك بالرجعه عالحدود السعوديه 8ساعات وانت تضحك هذي مدة القعده عالحدود واذا ملزم خلك على سابتكو على الاقل اريح وانتبه من ناحية الحدود دامك من جدة في باصات ماتروح عن طريق حالة عمار بس عن طريق الحديثه وشوف اشلون المسافه 600ك زيادة وودي اعرف ليش يسون كذا حالة عمار اقرب واوفر لهم !!!!

ابوالشهيدين
العفو اخوي ابو الشهيدين
ومبروك على 1000 مشاركة

ندوري
اشكرك اخوي ندوري
معلومة قيمة وانا مدين لك وممتن
بس اعتقد سابتكو محطاتها كثير وتوقف في كل مدينة عشان تاخذ ركاب

عزيزي الشركة هادي انا شخصيا لى معها تجربة قبل اربع سنوات ، كان الوقت اخر الصيف تقريبا ، رحت معاهم من جدة الي دمشق ذهاب فقط 200 ريال ، ما كان الباص مليان نصف العدد تقريبا حوالي 19 راكب بس ، ومع ذلك حصلي معاهم موقف اذكرة بعد قليل، على العموم اخذت الرحلة من جدة الى دمشق تماما 23 ساعة عن طريق حالة عمار ، مع المرور على عمان وانزال راكبين فيها ثم العودة لمتابعة السير، بشكل عام الشركة جيدة تحركت الرحلة من جدة فيى موعدها تماما الساعة الثامنة صباحا ووصلت دمشق في اليوم الثاني الساعة السابعة صباحا، وكان اريح ما فيها المسافة بين المقاعد كبيرة واسعة بسبب نقص عدد المقاعد الاجمالي ، اما بالنسبة للموقف الى حصلي فهو كالتالي ، بعد دخولنا الاراضي السورية بعد الفجر بقليل توقفنا في اول استراحة بعد الحدود للراحة واستغليت الفرصة مع بعض الركاب لاداء صلاة الفجر فيى داخل الاسترحة بينما ظل بعض الركاب خارج الاستراحة وطلبوا قهوة من البوفية ، على العموم بعد الوضوء والصلاة الى اخذت بعض الوقت حبيت اشرب شاهي وبين طلب الشاهي وتجهيزو مع العلم اني كنت احمل معاي ترمس وناوي اشربوا في الباص خلصوا الجماعة القهوة ، ولاني كنت مسافر لوحدي محد استفقدني ,وهادي كانت غلطة السائق ومعاونوا وانطلق الباص من الاستراحة بدوني وامام عيني وانا اصرح واجري ولكن ما في احد سمعني و اخذ طريقة الى دمشق من دوني واخذت اجري خلف الباص في السكة زي المجنون الين مرت سيارة اشرتلها وماقصر جزاة الله خير وقف وركبت معاة وشرحتلوا الوضع وطار ورا الباص طيران الين لحقناة بعد مسافة واتجاوزناة وبدات أأشرلوالين وقف وزلت من السارة وانا في غايةالغضب لان هادي مهمة معاون السائق يتفقد الركاب قبل ما يتحرك كل مرة ، الراجل الى ركبت معاة وهي سيارة بيك اب رفض يا خد مني شي لكني اصريت وتركتلواعلى المقعدة 500 ليرة لانوا انقذي من موقف صعب ، واعتذر السائق والمعاون على الخطاء ومشيت الامور وهدي الوضع وانطلقنا على بركة الله الى دمشق من جديد 0
والحمد لله الذي بة تتم النعم ،،

أفضل الموجود سابتكو
لكن الباص تعب وارهاق وكثرة توقف و و و و و و
الا اذا كنت وسيع صدر ومعك خوه راعين علوم وسوالف ومعكم ثلاجة قهوة وشاهي وعلوم رجال

الباص يختلف من شخص لآخر بعض الأخوة يفضله والبعض يفض الطائرة وآخرون يرون في ساراتهم الخاصة متعة وأتوقع مع قدوم خط سكة الحديد الجديد سيكون له عشاف إذاً الأمور نسبية ومسألة تفاوت في أذواق السياح والمسافرون......................... أما من ناحية الشركات يظل سابتكو هو الأشهر بسياراته الحديثه وأسطوله الممتد في كل أرجاء الوطن ودمتم على الخير والمحبة.

ابو هزار
والله والف حمد لله على السلامة
فعلا هذي غلطة المعاون
والحمدلله على كل حال

نجم سهيل1424
هذا الكلام الزين
علوم الرجال