وينكم ماأحد معبرني:36_1_44:
مو هذا العشم فيكم
خبري فيكم تحبون تساعدون الغير
ماأكسر خاطركم
أبي أحد يساعدني ويرشدني:36_1_4:

ما شاء الله خوش مخطط مع انه عندي بعض الملاحظات الشخصيه
لو تغيرين في زلمسي وتسكنين سي هوتيل seehotil اعتفد انه افضل واحلى مع انه ثلاث نجوم

بداية هذا مجرد راي
سالزبرغ ولا يوم لان الجمال كلة في زيلام سي خلي الليالي في زيلام سي وخلي عنك فندق لاتيني
دير وود هوف فندق روعه ب700 ريال الليلة شامل الوجبات الثلاث وقريب من محطة الباصات بس ام عيالي تعبت وتقول بعيد مادري عنكن ايتها النساء المدلالات
واتمنى لك رحلة موفقة

مخطط رائع جداً
أنا يوم سفري نفس يوم سفركم إن شاء الله (بس حجزي لسا انتظار)
والتوزيع كالتالي:
فيينا 6 ليالي راديسون ساس (خمس نجوم)
سالزبورغ 4 ليالي (أربع نجوم) جديد تم افتتاحه قبل اسبوعين
زيلامسي 5 ليالي (فندق اربع نجوم نسيت اسمه)
والعودة من فيينا إلى الرياض

Eng m7md: شكرا جزيل الشكر على المشاركه وابداء الرأي
أنا بصراحة احترت كثير بخصوص فندق لاتيني:016:
ناس تقول اوكي وانا ارتحت فيه وناس تقول لا بعيد وجابلي اللوعة
قرأت في موضوع في هذا المنتدى الراقي من سنه 2006 نقاش بخصوص هذا الفندق
وفي الأخير قررت وقلت أن التجربه خير برهان مالي إلا اجرب واحكم بنفسي
بس شكلي راح احاول اغيره لأني بصراحة خفت شوي
Turkii8: مشكور وماقصرت:1:
سالزبوغ هو الشي الثاني اللي حيرني بعد فندق زيلامسي (لاتيني)
كنت محتاره اورح او لا سألت أحد القرايب قال اللي يحب الطبيعه بدون حضاره وتمدن يروح زيلامسي بس اللي يحب يروح مكان في طبيعه مع حضاره لا يروح
وأنا بصراحة أخترت النمسا بعد عناء بس عشان الطبيعه اللي فيها
فلذلك قلت خلك من عوار الراس ولا تغيريين
في نفسي متردده أروح أو لا بس أبو العيال يقول مل من التغييرات:112: :36_1_30:
الضوء الخافت: حرام ليش كذا؟:36_1_44:
من متى انت حاجز؟
وعلى اي خطوط؟
ترى أنا على KLM يعني انت يقدر تشوف لك خطوط غير اللي حاجز فيها
أسمع الناس كثير تمدح في الخطوط القطريه
يعني حاول تغير يمكن يتأكد الحجز
وبالنسبه للتوزيع: أنا ماأبغى افتي عليك لأني اول مره باورح فيها النمسا
بس اللي سمعته وماقدرت اطبقه أن أخلي أكثر أيامي في زيلامسي لأنها مثل مايقولون جنة الله في الأرض
بس عليك بألف عافيه وان شاء الله يتأكد حجزك يارب
:36_3_16::36_3_16::36_3_16::36_3_16::36_3_16:
مشكروين جميعا على الردود والمشاركه وبصراحه هذا هو العشم فيكم، دائما مع المحتاج

ألف شكر أم عبدالعزيز على مواساتي
أنا حاجز على الخطوط السعودية من ثلاثة أسابيع تقريباً وإلى الآن ما تأكد
حاولت كثير على خطوط أخرى ما لقيت
بس إن شاء الله يتأكد
بالتوفيق

هلا والله ام عبدالعزيز
والله انا اكلمج عن نفسي يا ام عبد العزيز رحت زلمسي مرتين
الامره الاولى سكنت في فندق قراند وكنت اجز سبوع ولكن بعد ثلاث ايام كنت اتمشى ولقيت هالفندق وكنسلت حجزي ورحت فندق سي هوتيل والسفره الثانيه رحت على طول حق فندق سي هوتيل لا يمين ولا يسار
بس عطي طلب خاص اذا رحتي فندق سي هوتيل اسكني في غرفه 41 المبنى الجديد وان شاء الله يعجبج الفندق وانتي ماراح تخسرين شي روحي شوفي الفندق بعينج وانصح الكل يجربه لما فيه من مميزات خاصه فيه واهم هذي المميزات انه له شاطئ على البحيره خاص بالفندق
ودمتم بخير

هلا بأم عبدالعزيز شوفي انا مثلج هاذي المرة الأولى لي للنمسا بس انا حجزت على لاتيني مثلج لأن في ناس وايد مدحولي اياه وهم في ناس ذموّه ولكن الناس أذواق وانا قلت أروح أجرب حظي ماني خسرانه شي وانا مو من النوع اللي أتضايق اذا كان الفندق غير مريح لأني أولا وأخيرا رايحه أغير جو وأريح بالي وانا ماراح أكون متواجدة بالفندق الا وقت النوم فنصيحتي روحي الفندق اللي تحسين انج مرتاحه منه ولا تحاتين وايد 0

أخواني
الضوء الخافت
Eng m7md
أم عبد الله
شكرا لكم كثير الشكر على مساعدتي ومواساتي والله يوفقكم ويوفقني وتم الرحلة على خير ان شاء الله
:smile125:
أنا بصراحة خايفه من الفيزا، خايفه ماتضبط معنا أو تتأخر. الله يستر:36_1_3:
أما على فندق زيلامسي أنا لآخر مره راح استشير أحد من الأهل الل راحوا وأول واحد يقول لي إي أو لا راح اسمع كلامه لأني تعبت. هو صحيح مثل ماقالت أم عبد الله أحنا ثلاثة ارباع الوقت بره الفندق بس الواحد يخاف.:36_1_5:
مشكورين وبالتوفيق جميعا:36_3_9: