ابو زياد
22-11-2022 - 04:18 pm
السلام عليكم ورحمة الله وبركاته
اخيرا حجزت رحلتي الى النمسا والمانيا عن طريق الخطوط الاماراتيه
وسيكون خط الرحلة
دبي فينا سالزبورغ ميونخ دبي
بالفتره من 17-31 اغسطس
طبعا قرأت ما كتب الاخوان ما قصرو ...
لكن ودي اسوي شي غريب بهالرحله خصوصا اني عزابي انا وصديقي
لذا اتمنى من الاخوان اذا اي احد عنده علم عن منطقه جميله ماهي مشهوره بس تكون قريبه من المدن الثلاث يقولي على اسمها .. وكذلك اي تجربه يحب يتوقع انها بتكون تجربه حلوه برضه يقولي عليها .. ونتحاسب بعد مانرجع خ
باختصار ابي اروح وارجع لكم بشي جديد ومفيد.
فيه شي جديد بالنسبه لي اقوم به الان وهي اني احاول ان اجعل حجوزاتي جميعها عن طريق الانترنت وساحاول البحث عن بعض الفنادق الغير مشهوره وخصوصا ان السكن ما راح يفرق كثير لاني عزابي (
اخوي فيه جبل بين سالزبورج وزلامسي وانت ماشي يجي على يدك اليمين
هالجبل فيه تسلق وعلوم والناس اشوف تجي ومعها عدة الكشافات وخرابيط
بس والله مدري وش اسمه بس هو راح يلفت نظرك وانت ماشي بالسيارة لان عليه لوحة
وترا عليه دخوليه
وانت راجع من نفس الطريق السريع يعني من زلامسي سالزبورج
فيه منطقه مره رهيبه تجي على يدك اليمين برضوه فيها زي الجدول ومويته بارده وجبال مرره حلو
بس ماعليه لوحة ودوخليته كذا لاي احد
بس ما اذكر المكان بالتحديد
بس كاني منيب واهمه انه في بداية الطريق السريع
وقبل الجبل هذا اللي قلت لك عليه