اولا: نسيت اشكر اخوي الشعيبي لانه هدا البرنامج من تصميمه.
ثانيا: ودي تفيدوني عن المده الزمنيه الي باخدها في التنقل بين مدينه واخرى..
وشكرا،،،

وعليكم السلام ...
الله يسلمك اخوي وتراك اخونا ولنا الشرف ياعم
والترتيب صار حسب طلباتك بينانغ ماتت
اعطيك اسعار تقريبة وازودها عليك ولاتنقص :
1= 100 رينجيت .
2= 500 رينجيت .
3=600 رنجيت .
4= 400 رنجيت .
5=200 رينجيت .
6= 200 رنجيت .
تزيد ولا تنقص ...افاموسا - كوالا تلقى ب150 .
وش رايك ...كيف سعر التنقلات ...بغيت تغير شيء ؟
دام انك بالبراح كل شيء تقدر تسويه ...ولا تتحرك الا وانت
مقتنع ...واي خدمة ترى عيوني
موفق اخوي بأذن الله ورحلة سعيدة والسلام عليكم

السلام عليكم.......... تسلم عيونك يابو بسمه جنان
كعادتك يالشعيبي ردودك سريعه ومريحه ولبقه و.....الخ
ماقصرت حبيبي...بناءً على ماذكرت اعتقد باني سالغي بانكور لان هي اللي مسويه جلجله في القصه كلها...الله يخرب بيت اللي خلاني اغير بجدول رحلتي بسبب قلة ذات اليد والحيله....ماعلينا
عموما الحين نشيل بانكور ونحط جنتنق ونزود يوم في كوالا..والله ان راسي تلخبط...اعتقد بكذا وفرت فوق الالف ريال ...صح ..مالي غيرك بعد الله يالشعيبي لكي تنقذني من براثن هذه اللخبطه...بياننق ماتت زي ماقلت ....لان الاقرباء والاصدقااء اللي توهم جايين قالو لي لاتروح لها...انتظر ردك ياغالي...طيب تيومان كم سعر تذكرتها ....ياخي ودي اروح لها خاطري اروح لها....انت ابوها وسمها يالشعيبي...ودمت سالما

وعليكم السلام ...
حيوا حبيب البي الاتجاه المعاكس
وترى للان جمانة مازالت تقدم الربنامج وصار بارد فأرجوا
انكم تردون فيصل راعي المشاكل لوظيفته
غالي والطلب بسيط ...وصدقت ترى بانكور هو اللي مسوي
الزحمة واللخبطة ... وان دخلت تيومان حيلخبطك اكثر
وانا معاك انك تخلي ليلة لكوالا وليلة لجنتنغ وتنهي الموضوع
دام انك غير مقتنع ببينانغ ...او انك تعيد تسوي برنامجك
من جديد وتخليها مثل اغلبية الاعضاء وش رايك
سلانجور
لنكاوي
بينانغ
كاميرون
جنتنغ
كوالا
لانها اوفر في المواصلات لانها مرصوصة لك رص
وتراها كلها حلوة ومختلفة عن بعض ...وما قلت هذا
الكلام الا بعد تفكير وانت فاهمني
تيومان مش المشكلة في سعر التذكرة اللي حيكلف مثل
لنكاوي تقريباً ولكن هل ستجد حجز
متى قررت رحلتك ...وان بغيت نعصرها لك عصر ونخليها
لك بأقل التكاليف ترانا نخدمك وكيف اللغة معاك ؟
بدل ما نخليك تدفع مثلاً 3000 مواصلات نعصرها لأقل
من النصف ...خلها باصات وما عليك ندلك
ولكن اكد لنا على برنامج ثابت وبعدها ما يصير الا اللي
بغيته بأذن الله والفيري تتحملونه ولا كيف اخوي ؟
وترى يبيعون حبوب لمنع الدوار ترى من جد اتكلم .
المهم رص برنامجك النهئي والفنادق اللي قررت عليها
وابشر بالخير
ولك تحياتي وتقديري والسلام عليكم

ياهلا وغلا بالفلته شعيبي المسافرون العرب
بصراحه كلامك مقنع وانا بعد تفكير دقيق ومشاورات مع الجيران قرقرت هذا البرنامج
كوالالمبور فندق الخيول الذهبية (2) ليلتين.
لنكاوي فندق اندمان ثلاث ليالي(3) .
سانوي لاقون.فندق سانوي لاقون ليلتين (2)
ملاكا قرية افاموسا ليلتين (2) فيلا
من افاموسا الى كولالمبورفندق ماندرين اورينتال غرفه ديلوكس ثلاث ( 3) ليالي ثم تغيير الفندق والاقامه في فندق ويستن غرفه ديلوكس لمدة(2) ليلتين.
جتني فكره...اخر ليله لي في كوالا بنكون في شهر سبتمبر...يعني اخلي رحلتي 14ليله وفي نهاية الرحه يمكن الاقي حجز الى تيومان واروح لها..وانتهينا.ولو مالقيت حجز او ان السيوله تبخرت.رجعت لديرتي سالما غانما.
بالنسبه للفييري لو بيوفر علي ماعندي مشكله وبالنسبه للباصات برضو ماعندي مشكله اذا ف باصات حديثه ومافيها زحمه لاني مع الاهل..الزبده بقولك على بلاطه..انا المبلغ اللي باخذه معاي ان شاء الله6 الاف ريال مصرف اكل وشرب وتوصيلات ومشتروات.. يلا ياخيو الميزانيه عندك الباصات ونبيها اذا مافيها حرج على زوجتي .ضبط يامضبط..وكلنا اذن صاغيه.بالنسبه للغه اوكي ماعليك امشي حالي بقوه.تقدر تقول المستوى الخامس

أخوي ليه ما تستخدم تنقلاتك الداخلية بالباصات Vip تراه أرخص لك واوقاتها منتظمة ومريحة وفيه مضيفة بتوزع عليكم الماء والشاي والنسكافية مع وجبة
وبيكون عدد المسافرين بالباص ما يتعدى 20 مسافر
والكراسي كبيرة ومريحة مثل كراسي الدرجة الاولى بالطائرة
والناس اللي بتركب معاك بالباص ناس هاي VIP
وكل شخص في حالة
أنا مجربتها وراح اجربها مره ثانية ان اش ءالله وأنصح إنكم تجربونها
وأغلى سعر بتلقاه 50 رنجت للشخص
وممكن تطلع على نفس الباصات بسعر23 رنجت بدون وجبة

السلام عليكم ...
هلا وغلا بحيبي البي الاتجاه المعاكس
وترى جمانة سوت قصة شعر جديدة
دام انك قررت ترانا على امرك ...وبهذه الطريقة ماراح
تصرف كثير في المواصلات لانه المناطق قريبة من بعض
وتحتاج لتذاكر ذهاب وعودة ..كوالا - لنكاوي .
والباقي خلها تكاسي لانها قريبة من بعض ومش
بعيدة اوي ...ويصير الفيري مالها داعي
يصير :
الخيول الذهبية .
لنكاوي .
صن واي لاقون .
ملاكا .
كوالا .
تيومان (ممكن)
التنقل بينهم بالسيارة ...الا من كوالا للنكاوي ومن لنكاوي
عودة لكوالا .
لنكاوي ...عجبني اختيارك واثبت لي انك قاريء ومتصفح
وباحث رائع ...لكن اخوي اندمان سعره مش فيه ...فخم على
عيني وراسي ورقم واحد بلنكاوي ...ولكن سعره غير مناسب
وخاصة انه هناك منتجعات اخرى اقل منها سعر وفخامتها
ومستواها مش بسيط ...في نظري اشوف لنكاوي لاقون
افضل من اندامان كأختيار ...لكن تقول لي وش الافخم
وقتها ارد واقول اندمان ...اندمان مش رخيص .
مثال :
فيلا على البحر بلنكاوي لاقون = 600 ريال تقريباً لليلة
غرفة ديلوكس بأندمان =550 ريال تقريباً
وان بغيت مطل على البحر =1200 ريال تقريباً لليلة .
ولنكاوي لاغون ماعليه كلام وممتاز .
والقرار بيدك اخوي حبيت اوضح لك الصورة فقط
مطار - خيول =100
كوالا -لنكاوي -كوالا =900
مطار -صن=100
صن -افاموسا =200
افاموسا-كوالا =200
شيء تقريبي وتراني زودتها ...شعارنا تزيد ولا تنقص
المستوى الخامس ممتاز واختنا بنت البحرين تشجع
الله يسلمها استخدام الباصات
الحمدلله برنامجك الجديد مناطقها مش بعيدة اوي فأن شاء الله
ماتحتاج لباصات وخلكم في تكاسي وربك سامع الدعاء .
موفق اخوي بأذن الله وخبرني وش رايك والسلام عليكم

السلام عليكم
الف شكر لاختي بنت البحرين على اقترحها الحلو .....بس سؤال لبنت ديرتنا الغاليه راح يطمني ..انت شفتي اخوي الشعيبي كتب برنامج التنقل حقي من مدينه الى مدينه ياليت الله لايهينك او اخوي الشعيبي تفيدوني عن اسعار التنقل بهذه الباصات لانه لو كانت توصل الى كل هذه المدن باسعار ارخص بروح فيها اوفر لي...والا زي ماقال شعبولا اروح بالتكاسي احسن....مدري شرايكم .....ياليت تعلموني بسعر تذاكر كل مدينه والوقت اللي تاخذه وعن المكان اللي احجز منه التذاكر
حبيبي الغالي شعبولا( اسف بدلعك بهذا الاسم واذا مو عاجبك خلينا على الشعيبي) والله اني بهريك دعاوي وانا هنا وانا هناك ان شاء الله.لانك فعلا ماقصرت معاي وتحملت ثقالة دمي وكثرت وسوستي...ماشاءالله عليها جمانه قصت قصة شعر جديده ...اجل تغير شكلها ياحليلها.......... مين جمانه هذي :rolleyes:
بعد ماتردون علي برسل لاخوي ابو غدي البرنامج النهائي لانه عصب علي بعد ماقلتله اني بغير في البرنامج...
خلاص اعتقد بعد ماتردون علي بيكون قراري نهائي لارجعه فيه

للررفع لمن لديه خلفيه عن الموضوع فليدي بدلوه وكلنا اذان صاغيه