فارس بدون سيف
29-05-2022 - 06:17 am
صباح الخير يالغالين
ورمضان كريم
جيت طبعا اليوم بالوقت ولا دخلنا السفاره الى 7ونص تقريبا المهم
الحمدلله لأن موعدي كان سبعه ونص طبعا ماكان فيه زحمه ابد ... والوضع حلو مره مره وبعلمكم التفاصيل
الي صار جيت وعطيت الحرمه الي بالبوابه اوراقي الي تأكدت من اسمي بالكشف حقها لأسماء الي لهم موعد اليوم
المهم دخلت واخذت اوراقي وحده محجبها يوم شفتها تفائلت .. اللا طلع نفسيتها قشره ولا تشوف احد شي ... وطبعا مافي احقد من العرب على بعضنا
المهم كنت متأكد انها بس بتكون هي سيئة اليوم والباقي كل شي حلو
المهم اخذت رقم المقابله ... وربع ساعه انتظار ونادوني ابصم .. وبصمت ...
وبعد خمس دقايق من البصمات نادوني للمقابله .. والي قابلتني نفسيتها حلوه ومبتسمه ومؤدبه وتعتذر لو قاطعها احد معك من الموظفين الي جنبها
المهم خلصت المقابله وقالت نحتاج اسبوعين وبعدها تطلع الفيزا وعطتني ورقه بيضا عطيتها حق فديكس وخذا مني 65 ريال للجواز
وبس هذا الي صار
طبعا علمتكم سالفتي الي انتهت من السفاره بأقل من ساعه الحمدلله .. وترى موعد 7 ونص قوي مره انه مافيه زحمه
سؤالي هو
عطوني ورقه بيضا بعد مااخذوا جوازي ...
متى تتوقعون تطلع الفيزا ؟ علمن ان الفيزا الي طلبتها سياحيه .. وعلما اني حاط عنوان صديق امريكي هناك وعنوانه وعلما انه كان عندي فيزا A2 وتوني راجع من امريكا لي 3 اشهر ؟
وشكرا
