جزاك الله الف خير

والله ياسنيوري فعلا نصيحة من ذهب
يعطيك العافيه
شكل السالفه ذي يوم يجمدون ارصدتنا من روسهم علشان سالفة تحديث البيانات..
انا عصبت وقمت اهاوش عليهم بالفرع وانا بس سالفتي اني كنت بالسوق (بوسط الرياض) وجمعت ملابس ولقيت رصيدي مجمد..
فعلا لو انا برا المملكه يمكن ابانهبل..!!
بسفيه شي ثاني بعد..
ترا الراجحي على سوءهم.. فتحوا فروع في ماليزيا..
يعني لاسمح الله لو تنزنق هناك تروح لهم ومايحتاج اتصالات ولا شي..بيمشي الحال

هلا بالغالي والله يجزاك خير عالنصيحة المهمة
لكن أعتقد لو تكلمهم ويعرفون إنك برا بيتفاعلون معك مو معقولة يطنشون !!
أنا في سفرتي العام احتجت مبالغ زيادة على الفيزا لأني استخدمها أكثر
كلمت الهاتف الدولي حق الراجحي وما قصروا جتني زيادة خلال نص ساعة

يارجال خل عنك مايريحك غير الكاش الكاش سلم لي عليه
خل خشم الريال او الدولار ( عاد على راحتك ) طالع من مخباتك
لا تضمن الصرافات ابد ابد ومنتب مكلوف تشيل الكاش دايم معاك حطه بصندوق الامانات واذا احتجت اسحب منه
وفيه نصيحه ثانيه
لازم تخلي مبلغ او توصي احد مثل صديق لك وتعلمه انك ممكن تكلمه يحول لك بأسمك على اي صيرفه او بنك في ماليزيا لو انزنقت لا سمح الله والحواله توصل على طول
وتقبلوا تحياتي

موضوع رائع أتمني الإستفادة منه جميعاً
وأتوقع ما فيه ولا شخص سافر برا إلا حصل له ظرف أو حركة معينة مع البنوك .. إلا ما شاء الله ........
اما من ناحية اخذ فلوسك وصرفها كاملة سواء دولار أو يورو أو أي عملة كانت كاملة من البلد الذي تسكن فيه ( فهي صعبة شوي ) ، في شخص أعرفه أخذ فولسة كاملة حوالي 30 ألف ريال سعودي كانت معاه في شنطة على خصرة وأعطاها بنته يوم وصل الفندق عشان يخلص أجراءات الفاوتشرات مع الرسبشن وسرقها بالقوة شخص كان داخل الفندق ( يمكن زائر أو أناس موجودين لهذه الأعمال ، بدون علم الفندق ) وهرب وبعدها الرجال ضاع ، كلم صاحبه في السعودية وحول له فلوس ..
مو لازم يعني تحصل ها القصة لكل شخص ولكن لازم بل ضروري علينا أخذ الحذر من مثل هالأمور ..
لكن مثل ما قال الأخ سنيوري
خذ معاك كاش و فيزه وشيكات وحاول تضع مبلغ معين في حساب أخر لك في البنك يكون للطوارئ فقط ...
نصحية مجرب

1. السلام عليكم ورحمة الله وبركاته ..


2. خلني أقص عليك تجربتي العام الماضي .. لعل الواحد يستفيد منها ..

السلام عليكم ورحمة الله وبركاته ..

خلني أقص عليك تجربتي العام الماضي .. لعل الواحد يستفيد منها ..

أول ما عزمت على السفر لماليزيا تهيأت بكل شيء ماعدا الطريقة التي تنصرف فيها مع النقود ، ولكن الحمد قبل مدة من ذهابي دخلت موقع المسافرون العرب وشفت انهم يتكلمون عن انه لازم يكون معك كاش تتصرف فيه وبطاقة الصراف العادي تصرف من هناك ..
وقبل السفر بليلة كنت أدور على صرافات البنوك وخصوصا الراجحي ودي أصرف دولارات ولكن قدر الله وماشاء فعل لم اتمكن تلك الليلة من صرف أي مبلغ . أعطاني أخوي مبلغ 65 رنجت كانت متبقيه معه من العام الماضي قال يمكن تحتاجها ، قلت في نفسي أبصرف من المطار .. وذهبت للمطار وترتبت الأمور معي تمام حتى ختمت جوازي وجواز أم العيال والأطفال .. المهم يوم دخلت صالة المغادره النهائية رحت أدور على صراف ، ولا حصلت سألت موظفي الجوازات قالوا لي أنت تعديت أجهزة الصراف قلت خلوني أروح أصرف وأجي قالوا ما نقدر لأنك مختم على جوازك بالخروج .. قلت خوذوا جوازي وعيالي شايفينهم دخلوا صالة المغادرة حتى أروح وأصرف وأجي لكن دون فائدة ، صراحة طقني الهم طول الطريق وقعدت أضرب أخماس بأسداس وشلون لو الصرافة ما صرفت هناك وشلون أتصرف ، الحمد لله وصلت كوالالمبور وحصلت المرشد السياحي ينتظرني في المطار وأخذني أنا وعيالي للسكن وسكنا وقال بمر عليك اذا ارتحت تروح تصرف لي مبلغ تحت الحساب ,, رحت أنا وإياه لم جهاز الصراف ودخلت البطاقة ودخلت الرقم السري وانشغلت مع المرشد السياحي أسولف معه فجأة الصرافة سحبت البطاقه ، قلت هذا اللي حنا خايفين منه وكنت قريت من الشباب هنا في المنتدى ان العمليه صعبه حتى تسترد بطاقتك ، لكن بالصدفة قال لي صاحبي (المرشد السياحي ) انتظر المسئولين عن الآله توهم ما راحوا راح لمهم وشرح لهم اللي حصل فتحوا المكينه وطلعوا بطاقتي وطابقوا الاسم على البطاقه مع الاسم على الجواز ورجعو لي البطاقه صرفت وأعطيت المرشد السياحي دفعه تحت الحساب واحتفظت بالباقي ..
هذا درس يعلمنا شيئين :
1. ان الاعتماد على البطاقه قد يسبب لك الاحراج
2. انك تصرف فلوس بدري قبل مايزحمك الوقت وإنك تصرف قبل ماتختم جوازك وتتوهق .
الغريبه ياجماعه اني قبلها بأيام محلم اني وصلت لماليزيا ودخلت البطاقه في الصراف ولا صرفت ويوم ابعدت عنها شوي بدت تكب من الفلوس بعملتنا ( الريال السعودي )
أتمنى أن تجدون مع هذا الرد الفائده ..
شكرا لكم

سنيوري مرحبا بك
ياخووي هذا ان دل دل على حرصك وعلى حبك وعلى اهتمامك لاخوانك المسافرين
فجزااك الله كل خير وبيض الله وجهك ان شاء الله
وجعل لك في كل خطوه سلامه
اخووك الراايق

ترى بطاقة االإتمان بالخارج ضروريه
تفك زنقات كثيرة

اخواني
انا كنت ادرس لفتره بسيطه في كوالا وكان الوالد الله يطول في عمره يرسلي مصروفي كل شهر بشهره
المهم كان اقصى حد تسمحلي فيه البطاقه هوا 1500 رينجت في السحبه ولكن اقدر اسحب سحبتين ورا بعض يعني 3000 رينجت
ولكن بعد كدا الحساب يتجمد لمده لاتقل عن اسبوع الى اسبوعين الى ان يصفي البنك حقوقه معاك من ناحية فرق العمله ورسوم استخدام الصراف الاجنبي.
وكنت اشيك على حسابي من النت والاقيه سار بالسالب على قد المبلغ اللي سحبته
وعلى هذا الحال كل شهر
ولذلك انصح اخواني ان يكون معاهم مبلغ لايقل عن الف دولار كاش يوضع في الامانات للإحتياط بالإضافه الى 10 الاف ريال في البطاقه الإئتمانيه للضروره القصوى.
تحياتي